Žyŭ nie pa srodkach: piensijanier z Bresckaj vobłaści za 5 hadoŭ kupiŭ 2 kvatery pad Minskam
Za 5 hadoŭ piensijanier z Pružanskaha rajona kupiŭ dźvie kvatery ŭ pryharadzie Minska. Paśla pravierki padatkaviki vyśvietlili, što jaho vydatki pieravysili aficyjnyja dachody na 110 miljonaŭ rubloŭ. Pra heta finance.tut.by raspaviali ŭ inśpiekcyi Ministerstva pa padatkach i zborach pa Pružanskim rajonie.
74-hadovy žychar Pružanskaha rajona (Bresckaja vobłaść) u 2009 hodzie kupiŭ kvateru ŭ pryharadzie Minska za 112,5 miljona rubloŭ. Praz 4 hady jon pradaŭ jaje i nabyŭ inšuju, užo za 516,5 miljona.
Inśpiekcyja MPZ pa Pružanskim rajonie zapatrabavała ŭ piensijaniera dekłaracyju ab dachodach i majomaści za 2009-2013 hady. Jon pakazaŭ, što žyŭ na piensiju, srodki ad prodažu kvatery i hrošy, padoranyja blizkimi svajakami.
Aficyjnyja dachody nie zmahli pakryć deficyt asabistaha biudžetu piensijaniera.
Vyśvietliłasia, što ŭ 2009 hodzie mužčyna vydatkavaŭ na 110 miljonaŭ bolš, čym moh sabie dazvolić. U 2010-2013 hadach pieravyšeńnia vydatkaŭ nad dachodami nie ŭstanoŭlena. U vyniku piensijanier zapłaciŭ u biudžet 13,2 miljona padachodnaha padatku.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary