Viarchoŭnaja Rada Ukrainy na svajoj pazačarhovaj siesii ŭ aŭtorak uchvaliła zajavu ab pryznańni Rasii dziaržavaj-ahresaram.
U svaim zvarocie deputaty zaklikajuć parłamienty krain śvietu i mižnarodnyja arhanizacyi taksama pryznać Rasijskuju Fiederacyju dziaržavaj-ahresaram i ŭzmacnić cisk na jaje.
Akramia taho, Rada źviarnułasia da mižnarodnaj supolnaści z prośbaj pryznać samaabvieščanyja Danieckuju i Łuhanskuju «narodnyja respubliki» terarystyčnymi arhanizacyjami.
U zajavie ŭkrainskaha parłamienta havorycca, što Rasija padtrymlivaje teraryzm i błakuje dziejnaść Savieta Biaśpieki AAN, čym stavić pad pahrozu mižnarodny mir i biaśpieku.
«Z pačatku ahresii ŭ kancy lutaha 2014 h. Rasijskaja Fiederacyja sistematyčna parušaje normy mižnarodnaha prava, pravy čałavieka, u tym liku prava na žyćcio mirnych hramadzian Ukrainy, jakija stali zakładnikami terarystaŭ na akupavanaj terytoryi Danbasa», — havorycca ŭ zajavie Rady.
U zajavie zhadvajecca zaklučeńnie naziralnaj misii ABSIE, pavodle jakoha rakietny abstreł Maryupala ŭ minułuju subotu ažyćciaŭlaŭsia z terytoryi, padkantrolnaj prarasiejskim sieparatystam.
«Hetyja trahičnyja padziei paćviardžajuć, što Rasija i terarysty, jakich jana padtrymlivaje, nie žadajuć vykonvać Minskija damoŭlenaści, jakija siońnia zastajucca adzinaj mižnarodna pryznanaj asnovaj dla mirnaha ŭrehulavańnia», — zajaŭlajuć ukrainskija deputaty.
«Zaklikajem mižnarodnuju supolnaść pryznać fakt ahresii suprać Ukrainy, akupacyju jaje terytoryi i ŭzmacnić patrabavańni adnosna viartańnia da mižnarodna pryznanych miežaŭ».
Za pryniaćcie dakumienta prahałasavaŭ 271 deputat Rady z 289 zarehistravanych.
U svaim zvarocie ŭkrainski parłamient taksama paprasiŭ Parłamienckuju asambleju Savieta Jeŭropy (PASIE) abmiežavać paŭnamoctvy rasiejskaj delehacyi.
«Jurydyčnaje pryznańnie ŭ jakaści dziaržavy-ahresara ciahnie za saboj nastupstvy, abumoŭlenyja ŭ rezalucyi AAN 1974 i ŭ Chartyi AAN», — zajaviŭ, źviartajučysia da deputataŭ pierad pačatkam hałasavańnia lidar Radykalnaj partyi Aleh Laško.
-
Sierbskija ŭłady zajavili, što kala hazapravoda z rasijskim hazam znajšli mahutnuju vybuchoŭku
-
Ad aficyjantki da seks-infarmatarki: historyja ŭkrainskaj dziaŭčyny z akupavanaj terytoryi
-
Naftapravod u rajonie Prymorska paškodžany nočču dronami. Party Uść-Łuha i Prymorsk druhi tydzień nie prymajuć naftu
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj16
Kamientary