Kamiercyjnyja zapasy nafty ŭ ZŠA (u ich nie ŭvachodzić stratehičny rezierv dziaržavy) za apošni tydzień vyraśli na 7,7 młn barelaŭ, da 425,6 młn barelaŭ — heta maksimalnaje značeńnie za apošnija 80 hadoŭ, paviedamlaje Ministerstva enierhietyki Złučanych Štataŭ.
Pry hetym zapasy bienzinu vyraśli na 500 tysiač barelaŭ, abo na 0,2%. Jany dasiahnuli 243,1 młn barelaŭ.
Raniej na fonie čakańnia publikacyi dadzienych ab amierykanskich zapasach nafty marka Brent na łondanskaj biržy ICE patańnieła da 58,41 dalara za barel.
11 lutaha ZŠA vyjšli na pieršaje miesca ŭ śviecie pa zdabyčy nafty. U 2014 hodzie Złučanyja Štaty zdabyvali 11,81 miljona barelaŭ u sutki. Rasija — na druhim miescy z 10,93 miljona barelaŭ.
U banku Goldman Sachs miarkujuć, što ŭ bližejšyja try miesiacy barel WTI budzie kaštavać 41 dalar (raniej prahnazavaŭsia pakazčyk u 70 dalaraŭ), Brent — 42 dalary (raniej - 80 dalaraŭ).
U Suśvietnym banku prahnazujuć, što 2015-y stanie hodam nizkich cenaŭ na naftu. Arhanizacyja adznačaje, što ŭ 2016-m jany vyrastuć, ale niaznačna.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA56
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary