Biełarusam z PMŽ zakryvajuć rachunki ŭ šviejcarskich bankach

Čytač Reform.news paviedamiŭ, što daččynaja kampanija šviejcarskaha banka Swissquote biez tłumačeńnia pryčyn spyniła ź im supracoŭnictva i zakryła rachunak. Havorka idzie pra papularny ŭ Šviejcaryi dadatak Yuh — anałah Revolut, ale sa šviejcarskim bankaŭskim rachunkam i inviestycyjnymi funkcyjami. Damova była skasavanaja 11 žniŭnia.

«Vaša kartka XXXX XXXX XXXX XXXX była kančatkova deaktyvavanaja», — paviedamili klijentu ŭ dadatku.

U jakaści mahčymych pryčyn byli nazvanyja deaktyvacyja kartki samim klijentam, prośba klijenta ab deaktyvacyi, anamalnaja aktyŭnaść pa kartcy abo zakančeńnie terminu jaje dziejańnia.

Nijakich dziejańniaŭ jon nie ździajśniaŭ, a farmalnych pryčyn dla admovy ŭ absłuhoŭvańni jamu nie paviedamili.

U dadatkovym paviedamleńni kampanija spasyłałasia na artykuł 28 Ahulnych pałažeńniaŭ i ŭmoŭ absłuhoŭvańnia rachunkaŭ Yuh, jaki dazvalaje joj u adnabakovym paradku skasoŭvać damovy biez tłumačeńnia pryčyn.

Klijentu prapanavali da 11 vieraśnia samastojna pradać Swissqoins i inviestycyjnyja aktyvy i pieravieści srodki na rachunak u inšym banku.

Adznačym, što ŭ čytača tak zvany Permit C, pa-niamiecku Niederlassungsbewilligung — heta šviejcarski dazvoł na pastajannaje miesca žycharstva, jaki inšaziemiec atrymlivaje paśla 10 hadoŭ žyćcia ŭ krainie.

Paźniej miascovaje vydańnie insideparadeplatz.ch apublikavała artykuł, u jakim śćviardžałasia, što z anałahičnymi prablemami sutyknulisia hramadzianie RF z Permit C. Im zakryli rachunki ŭ Swissquote i Yuh.

«Heta niepasredna datyčycca ŭ tym liku ludziej, jakija majuć pastajanny dazvoł na pražyvańnie katehoryi C, pastajanna źjaŭlajucca padatkovymi rezidentami Šviejcaryi i nie ździejśnili nijakich pravaparušeńniaŭ», — raspavioŭ vydańniu adzin z paciarpiełych.

Kiraŭnik Swissquote Mark Biurki paćvierdziŭ šviejcarskamu vydańniu fakty skasavańnia damoŭ, adnak adznačyŭ, što havorka idzie pra adzinkavyja vypadki.

Pavodle krynicy insideparadeplatz.ch, chvala zakryćcia rachunkaŭ u Swissquote i Yuh značna maštabniejšaja, čym apisvaje kiraŭnik banka Biurki.

«Pry zvarocie pa telefonie ŭ słužbu padtrymki klijentaŭ nam vusna paćvierdzili, što havorka idzie pra ŭnutranaje pryncypovaje rašeńnie, źviazanaje z rasijskim hramadzianstvam», — patłumačyŭ krynica.

Pryčynaj źjaŭlajucca «ŭzmocnienyja patrabavańni Upraŭleńnia nahladu za apieracyjami finansavaha rynku Šviejcaryi». Pavodle acenki krynicy, rašeńnie zakranuła «prykładna 600 rachunkaŭ».

U 19‑m pakiecie sankcyj ES, uviedzienych u dačynieńni da Rasii i Biełarusi, adznačałasia, što kredytnym ustanovam zabaroniena vykonvać apłatnyja abo elektronna-hrašovyja pasłuhi hramadzianam Rasii ci Biełarusi i kampanijam, jakija naležać im abo kantralujucca imi.

Vyklučeńnie zroblena tolki dla tych, chto maje:

• dziejny (niepraterminavany) časovy abo pastajanny vid na žycharstva, vydadzieny dziaržavaj — členam ES, krainaj JEES abo Šviejcaryjaj;
• dziejny (niepraterminavany) dakumient, jaki paćviardžaje hramadzianstva dziaržavy — člena ES, krainy JEEZ abo Šviejcaryi.

Čytač, vidavočna, maje prava na bankaŭskaje absłuhoŭvańnie ŭ Šviejcaryi na padstavie PMŽ.

• 0
• 0
• 1
• 0
• 0
• 0
• 0
• 0