Astranomy adkryli čornuju dziru masaj u 12 młrd Soncaŭ
Čornaja dzira ŭ suzorji Ryb, vierahodna, była častkaj samaha vialikaha i jaskravaha kvazaru ŭ rannija epochi Suśvietu.
Mižnarodnaja hrupa astranomaŭ adkryła nadzvyčaj vialikuju čornuju dziru ŭ kvazary SDSS J0100+2802, što ŭ 12,8 młrd śvietłavych hod ad Ziamli. Pra adkryćcio raspaviadaje časopis Nature.
Kvazar uźniknu praz 900 młn hod paśla Vialikaha vybuchu, kali śviatło pieršych zorak tolki aśviaciła Suśviet. Masa čornaj dziry ŭ kvazary aceńvajecca ŭ 12 młrd mas Sonca, a śviatło kvazara — u 420 tryljonaŭ raz bolš jaskravaje za Sonca.
Znojdzienaja čornaja dzira ździviła astranomaŭ svaimi pamierami i ŭzrostam dy pastaviła pad sumnieŭ sučasnyja teoryi farmavańnia čornych dzir.
Jana nie jość samaj masiŭnaj ź viadomych čornych dzir — naprykład, čornaja dzira ŭ centry hałaktyki NGC1277 maje masu ŭ 20 młrd Sonc. Ale jaje ŭzrost vyklikaje pytańnie — jak zvyšmasiŭnaja čornaja dzira mahła ŭźniknuć i tak chutka vyraści ŭ časy, kali tolki pačałasia ciapierašniaja era rečyva? Kali vieryć sučasnym teoryjam, jana nie paśpieła by zachapić stolki hazu i pyłu za taki karotki čas.
Daśledavańnie čornaj dziry praciahniecca z dapamohaj kaśmičnych absiervatoryj «Chabł» i «Čandra» dy mahutnych teleskopaŭ. Zahadkavy abjekt moža patłumačyć navukoŭcam miechanizmy farmavańnia čornych dzir i ich uzajemadziejańnia z navakolnym rečyvam.
Ciapier čytajuć
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy5
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary