Alaksandr Łukašenka patrabuje ad pravaachoŭnych orhanaŭ spynieńnia mahčymych pravakacyj u hod śviatkavańnia 70-hodździa Pieramohi. Pra heta jon zajaviŭ 5 sakavika na sustrečy z kirujučym składam orhanaŭ unutranych spraŭ, unutranych vojskaŭ MUS i kursantami fakulteta ŭnutranych vojskaŭ Vajennaj akademii.
«Vy štodzionna vyrašajecie važnyja adkaznyja zadačy, a słužba źjaŭlajecca sapraŭdy bajavoj, tamu treba hodna vykonvać svaje abaviazki i padtrymlivać honar mundzira», — cytuje kiraŭnika dziaržavy jaho pres-słužba.
Łukašenka adznačyŭ, što sioleta va ŭsich pravaachoŭnych orhanach budzie surjozny ekzamien.
«My adznačajem 70-hodździe Vialikaj Pieramohi. Heta najvažniejšaje śviata dla kožnaha biełarusa. Ale, na žal, jość u našaj krainie nievialikaja kučka ludziej, chtości ich nazyvaje «apazicyjaj», ci jany tak siabie nazyvajuć, jakija nie tolki skažajuć historyju, uzvyšajučy fašysckich pamahatych kryvavych spraŭ, ale i ŭsimi siłami sprabujuć destabilizavać abstanoŭku ŭ hramadstvie. Ahresiŭnyja formy palityčnaj baraćby jany demanstrujuć i padčas roznaha rodu palityčnych kampanij», — padkreśliŭ kiraŭnik dziaržavy.
Tamu, pavodle jaho słoŭ, «isnuje peŭnaja vierahodnaść pravakacyjnych dziejańniaŭ, jakija pavinny być u adpaviednaści z zakanadaŭstvam spynienyja na pačatkovaj stadyi».
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary