Rusakievič padsumavaŭ

Pavodle słoŭ ministra infarmacyi Uładzimira Rusakieviča, letaś halina vykanała 9 z 10 prahnoznych pakazčykaŭ. Havoračy pra palihrafičnuju halinu, ministr adznačyŭ, što letaś rentabielnaść realizavanaj pradukcyi pavialičyłasia i skłała amal 15 pracentaŭ.

Akcyi palihrafkambinatu — rasiejcam

Što datyčycca prablem palihrafii, to «šlach numar adzin» dla palihrafkambinata imia Ja. Kołasa — heta realizacyja častki dziaržaŭnych akcyj vydaviectvu «AST» (Maskva). Hetaje rasijskaje vydaviectva hatovaje na praciahu bližejšych 10 hadoŭ ukłasci ŭ razvićcio palihrafkambinata kala 14 młn jeŭra.

Vydatkaŭ na 5 miljardaŭ bolej, jak prybytkaŭ

Letaś samaja surjoznaja ŭvaha ministerstva nadavałasia «ŭmacavańniu finansava‑ekanamičnaha stanu haziet i časopisaŭ», a taksama pavyšeńniu ŭzroŭniu ich akupnasci. Pavodle papiaredniaj infarmacyi, redakcyi atrymali prybytku na sumu 14,8 młrd rubloŭ. Heta na 32 pracenty bolš, čym u 2006 hodzie. U toj ža čas zatraty na vydańnie byli bolšyja — 19 młrd. Kolkaść redakcyj miascovaha druku, jakija pa vynikach hoda spracavali z prybytkam, uzrasła — ich było 24.

50% rasiejskaha

Havoračy pra elektronnyja ŚMI, ministr adznačyŭ, što asnoŭnaj zadačaj ajčynnych respublikanskich telekanałaŭ siońnia źjaŭlajecca pavieličeńnie ŭłasnaha praduktu.

Letaś, pavodle słoŭ Uładzimira Rusakieviča, viałasia praca pa pašyrenni sietki kabielnych apierataraŭ i asnoŭnaha pakieta prahram. Siońnia apieratarami tranślujecca kala 100 zamiežnych telekanałaŭ, prykładna pałova ź jakich — rasijskija.

FM užo vychavali

Na praciahu apošnich troch hadoŭ Ministerstva infarmacyi pravodziła štotydniovy manitorynh FM‑efiru ŭ krainie na najaŭnaść 70 pracentaŭ biełaruskaha praduktu. Siońnia ž, na dumku ministra, «vychavaŭčy praces užo skončany» i «zamiery možna pamianšać».

Mižuradavaje pahadnieńnie pad «Biełaruś-TB»

Aŭdytoryja spadarožnikavaha telekanała «BiełaruśTB» siońnia naličvaje kala 7 młn čałaviek. Na dumku ministra, heta «vialiki pośpiech», uličvajučy, što kanału tolki 3 hady.

U toj ža čas, pavodle słoŭ Uładzimira Rusakieviča, isnujuć prablemy z raspaŭsiudžvańniem kanała ŭ Rasii. «Asabliva ŭ Maskvie, u kabielnych sietkach». Kab vyrašyć hetuju prablemu, Biełaruś maje namier padpisać mižuradavaje pahadnieńnie ab dziejnasci SMI (uklučajučy telekanały) u Sajuznaj dziaržavie.

Zarehistravana 1266, anulavana 1214

Siońnia ŭ Biełarusi zarehistravana 1266 drukavanych SMI, 156 — radyjo‑ i teleprahram. Pačynajučy z 1996 hoda było anulavana 1214 paśviedčańniaŭ ab rehistracyi. Na dumku ministra, «heta naturalny praces rehistracyi, pazbaŭleńnia licenzii i spynieńnia isnavańnia».

86 papiaredžańniaŭ za hod

Sioleta ministerstva vyniesła 86 piśmovych papiaredžańniaŭ 76 vydańniam za parušenni zakanadaŭstva. Dziejnaść troch vydańniaŭ prypyniałasia terminam na try miesiacy.

«Ja liču, što stvorany ŭsie nieabchodnyja ŭmovy dla isnavańnia i pracy SMI ŭ Biełarusi. A kali niechta parušaje zakon, to jon niasie za heta adkaznaść. Voś i ŭsie kamientaryi».

Pavodle: zvyazda.minsk.by

• 0
• 0
• 0
• 0
• 0
• 0
• 0
• 0