U ZŠA ŭładalnika sajta «pornapomsty» pasadzili na 18 hadoŭ
Uładalnik pornasajta, dzie raźmiaščalisia intymnyja fatahrafii žančyn, Kievin Bolert asudžany na 18 hadoŭ turemnaha źniavoleńnia za kradziež piersanalnych dadzienych i vymahalnictva.

Pa słovach prakuroraŭ San-Dyjeha, jamu naležali sajty UGotPosted.com i changemyreputation.com.
Fotazdymki Bolertu dasyłali inšyja mužčyny, jakija takim čynam chacieli adpomścić svaim byłym kachanym. Jany ž paviedamlali imia žančyny, miesca jaje pražyvańnia i adrasy staronak u sacsietkach.
Hetaja infarmacyja raźmiaščałasia na pieršym sajcie. Na druhim resursie za 300 dalaraŭ prapanoŭvałasia prybrać fatahrafii.
Abvinavačvańnie ličyć, što kampramietujučyja fatahrafii kaštavali achviaram pracy i asabistych adnosin. U adnym vypadku dziejańni Bolerta pryviali da sproby samahubstva.
Sam 28-hadovy Kievin Bolert admaŭlaŭ abvinavačvańni.
Kamientary