Prync Hary prybyŭ u Kanbieru ŭ ramkach vajennaj kamandziroŭki ŭ aŭstralijskija siły abarony, jakaja budzie doŭžycca čatyry tydni. Nieŭzabavie paśla jaje zakančeńnia — u červieni — prync zavieršyć vajennuju karjeru paśla 10 hadoŭ słužby ŭ brytanskim vojsku.
Małodšy syn spadčyńnika brytanskaha tronu prynca Čarlza aficyjna dałažyŭ ab svaim prybyćci hałoŭnamu maršału avijacyi, kiraŭniku sił abarony Aŭstralii paśla taho, jak uskłaŭ vianok da Mahiły nieviadomaha sałdata ŭ Kanbiery.
Sotni ludziej pryjšli da vajennaha miemaryjała, kab pavitać člena brytanskaj karaleŭskaj siamji.
Prync Hary projdzie padrychtoŭku na bazie sił śpiecyjalnaha pryznačeńnia ŭ Piercie, a zatym adpravicca ŭ vyviedvalny atrad, jaki składajecca z aŭstralijskich abaryhienaŭ i raźmieščany ŭ Paŭnočnaj terytoryi.
Čakajecca, što paśla zaviaršeńnia vajennaj karjery prync Hary na niejki čas zojmiecca dabračynnaj pracaj, pierš čym pryniać kančatkovaje rašeńnie nakont dalejšych krokaŭ.
Kamientary