Pa stanie na 14.00 1 maja 2015 hoda ŭ «Kamiennym Łohu» na vyjezd ź Biełarusi čakali ŭ čarzie 190 lehkavych aŭtamabilaŭ i 100 hruzavych aŭtamabilaŭ, u «Katłoŭcy» - 110 lehkavych i 120 hruzavych. Bolš spakojnaja situacyja ŭ punkcie propusku «Bieniakoni» - 50 lehkavych i 40 hruzavych aŭtamabilaŭ.
Jak paviedamiŭ Auto.Tut.by pres-sakratar Dziaržpahrankamiteta Biełarusi Alaksandr Ciščanka, uzrosłaja płyń aŭtatranspartu ź Biełarusi ŭ Litvu źviazany z majskimi śviatami, a taksama muzyčnym fiestyvalem «Belarus Alternative 2015», što prachodzić u Vilni.
«Dla pajezdki na fest biełarusam nie treba było atrymlivać vizu - tolki pradjavić bilet. Mnohija skarystalisia pradstaŭlenaj mahčymaściu, tym bolš - napieradzie try vychodnyja», - rastłumačyŭ pradstaŭnik DPK.
Pa słovach Alaksandra Ciščanki, Dziaržpahransłužba prykładaje ŭsie namahańni, kab spravicca z płyńniu mašyn. «Rekamiendujem kiroŭcam vybirać maršruty ruchu z ulikam apieratyŭnych źviestak, ź jakimi možna aznajomicca na našym sajcie, abo patelefanavać na haračuju liniju DPK. Da taho ž jakraz siońnia my pačali testavać sistemu elektronnych čerhaŭ - jana dazvolić nie stajać u čarzie, a pierasiekčy miažu, pryjechaŭšy da vyznačanaha času», - paraiŭ jon.
Nahadajem, biełaruskija pamiežniki zapuścili servis elektronnaha braniravańnia čarhi: ciapier prajści miažu možna ŭ zahadzia zapłanavany čas, bieź siurpryzaŭ i čerhaŭ. Ekśpierymient pa funkcyjanavańni sistemy elektronnaj čarhi pravodzicca ŭ punkcie propusku «Kamienny Łoh».
Infarmacyja pra čerhi ŭ punktach propusku praź dziaržaŭnuju miažu abnaŭlajecca na interaktyŭnaj karcie kožnyja dźvie hadziny. U Dziaržpahrankamitecie rekamiendujuć kiroŭcam vybirać maršruty ruchu z ulikam apieratyŭnych dadzienych.
Telefon haračaj linii DPK: +375 (17) 216-26-12
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary