Biełaruś — siarod krain-lidaraŭ pa kolkaści padletkaŭ, što kurać rehularna
Nakont prablemy rańniaj ałkahalizacyi padletkaŭ i dałučeńnia ich da tytuniova- i narkazaležnaści išła razmova siońnia, 28 maja, na pres-kanfierencyi, pryśviečanaj Dniu abarony dziaciej.
Pa ŭzroŭni padletkaŭ, jakija rehularna kurać, Biełaruś siońnia ŭvachodzić u śpis krain-lidaraŭ, raspaviała hałoŭny piedyjatr Ministerstva achovy zdaroŭja Biełarusi Valancina Vaŭčok.
Takija vysnovy byli zrobleny pa vynikach sacyjałahičnaha apytańnia, jaki pravodziŭ centr manitorynhu na bazie RNPC psichičnaha zdaroŭja. Dakładnych ličbaŭ śpiecyjalist ahučyć nie zmahła.
Raniej paviedamlałasia, što rehularna kurać u Biełarusi bolš za 65% studentaŭ i školnikaŭ.
Z ałkaholem situacyja taksama nieadnaznačnaja. Bolš za 40% apytanych padletkaŭ pryznalisia, što ŭpieršyniu pakaštavali ałkahol u siabie doma, heta značyć u siamji. Bolš za 8% skazali, što pieršy raz vypili harełku ŭ 11-14 hadoŭ.
«Lik niepaŭnaletnich, jakija stajać na ŭliku ŭ narkołahaŭ, zastajecca niesuciašalnym, — adznačyła Valancina Vaŭčok. — Dla vyrašeńnia hetych prablem patrabujecca ŭdzieł usich zacikaŭlenych, i asabliva — baćkoŭ. Štohod kala 2 tysiač dziaciej pryznajuć, što jany znachodziacca ŭ sacyjalna niebiaśpiečnym stanoviščy».
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami34
Kamientary