Hetaja pasłuha budzie zapatrabavanaja ludźmi, jakija pradajuć nieruchomaść.
Biełaruskija banki zmohuć praviarać sapraŭdnaść banknot pa zajavach hramadzian z 1 lipienia. Ab hetym paviedamili va ŭpraŭleńni infarmacyi i hramadskich suviaziej Nacyjanalnaha banka.
«Adpaviednaje rašeńnie pryniata pastanovaj praŭleńnia Nacyjanalnaha banka numar 253 u suviazi sa šmatlikimi zvarotami hramadzian u Nacyjanalny bank i banki z prośbaj akazańnia pasłuhi pa praviercy sapraŭdnaści banknoty», — adznačyli ŭ pres-słužbie rehulatara. Dakumientam zaćvierdžana instrukcyja, jakaja vyznačaje ahulny paradak praviadzieńnia bankami pravierki sapraŭdnaści ŭ biełaruskich rublach i zamiežnaj valucie pa inicyjatyvie fizičnaj asoby zhodna z padadzienaj joju zajavaj.
U adpaviednaści ź instrukcyjaj dla ažyćciaŭleńnia pravierki sapraŭdnaści banknotaŭ fizičnaj asobie nieabchodna budzie skłaści zajavu, pradjavić dakumient, jaki zaśviedčvaje asobu, i ŭnieści ŭ kasu banka sumu ŭznaharodžańnia (płatu) za pasłuhu, što akazvajecca. Pry hetym nie praduhledžana norma, jakaja rehłamientuje vydaču bankam dakumienta, jaki paćviardžaje sapraŭdnaść banknotaŭ. Na ruki fizičnaj asobie buduć vydavacca tolki dakumienty, jakija paćviardžajuć sam fakt ažyćciaŭleńnia pravierki sapraŭdnaści i ŭniasieńnia ŭstanoŭlenaha bankam ŭznaharodžańnia (płaty) za hetu pasłuhu.
Bankam pradastaŭlena prava samastojna prymać rašeńnie ab pradastaŭleńni abo niepradastaŭleńni hramadzianam pasłuhi pa praviercy sapraŭdnaści banknotaŭ, a taksama ŭstanaŭlivać dadatkovyja patrabavańni da ažyćciaŭleńnia pravierki sapraŭdnaści banknotaŭ.
Kamientary