2-3% ludziej cierpiać bol jašče sutki paśla połavaha aktu.
Amierykanskija seksołahi praanalizavali źviestki Nacyjanalnaha abśledavańnia seksualnaha zdaroŭja i pavodzin u ZŠA 2012 hoda, u miežach jakoha byli apytanyja 1738 mužčyn i žančyn, starejšych za 18 hod. Ich daśledavańnie, apublikavanaje ŭ časopisie Journal of Sexual Medicine, paćvierdziła isnavańnie prablemy, pra jakuju nie pryniata kazać.
30% žančyn i 7% mužčyn cierpiać bol padčas połavaha aktu. Prablema nie stolki ŭ bolu, a ŭ tym, što amal pałova cierpić moŭčki.
Kala 1% mužčyn i 6% žančyn cierpiać značny bol, jašče 6% i 24% adpaviedna — nievialiki. U asnoŭnym heta nie doŭžycca bolš za 5 chvilin (u 78% mužčyn i 75% žančyn), ale časam dachodzić da hadziny i bolš — u niekatorych (3% mužčyn i 2% žančyn) bol adčuvajecca bolš za dzień. Tolki 26% žančyn pieranosiać analny seks biez bolu.
43% žančyn nie kažuć mužčynam pra bol padčas seksu, mužčyny nie kažuć žančynam u 65% vypadkaŭ. Praŭda, navat kali skazać pra bol, u pałovie vypadkaŭ možna pačuć (ad partniora ci ad «unutranaha hołasu») niešta kštałtu «rassłabsia i pieratryvaj». Tolki 38% mužčyn i 25% žančyn adkazali na bol źmienaj pazicyi, jačše pa čverci mužčyn i žančyn — vykarystańniem łubrykantu.
«Bol — davoli raspaŭsiudžanaja źjava [padčas połavaha aktu — NN], jakuju nie časta abmiarkoŭvajuć», — robiać vysnovu daśledčyki. Važna nie pasaromiecca i dać partnioru svoječasova zrazumieć, što niešta idzie nie tak.
«Ja padniaŭ adnaho sa słabavikoŭ — i vypuściŭ jaho na asfalt». Desantnik Rusłan Akostka raskazaŭ, jak adsiedzieŭ 4 hady17
Kamientary