2-3% людзей церпяць боль яшчэ суткі пасля полавага акту.
Амерыканскія сэксолагі прааналізавалі звесткі Нацыянальнага абследавання сэксуальнага здароўя і паводзін у ЗША 2012 года, у межах якога былі апытаныя 1738 мужчын і жанчын, старэйшых за 18 год. Іх даследаванне, апублікаванае ў часопісе Journal of Sexual Medicine, пацвердзіла існаванне праблемы, пра якую не прынята казаць.
30% жанчын і 7% мужчын церпяць боль падчас полавага акту. Праблема не столькі ў болю, а ў тым, што амаль палова церпіць моўчкі.
Каля 1% мужчын і 6% жанчын церпяць значны боль, яшчэ 6% і 24% адпаведна — невялікі. У асноўным гэта не доўжыцца больш за 5 хвілін (у 78% мужчын і 75% жанчын), але часам даходзіць да гадзіны і больш — у некаторых (3% мужчын і 2% жанчын) боль адчуваецца больш за дзень. Толькі 26% жанчын пераносяць анальны сэкс без болю.
43% жанчын не кажуць мужчынам пра боль падчас сэксу, мужчыны не кажуць жанчынам у 65% выпадкаў. Праўда, нават калі сказаць пра боль, у палове выпадкаў можна пачуць (ад партнёра ці ад «унутранага голасу») нешта кшталту «расслабся і ператрывай». Толькі 38% мужчын і 25% жанчын адказалі на боль зменай пазіцыі, ячшэ па чвэрці мужчын і жанчын — выкарыстаннем лубрыканту.
«Боль — даволі распаўсюджаная з’ява [падчас полавага акту — НН], якую не часта абмяркоўваюць», — робяць выснову даследчыкі. Важна не пасаромецца і даць партнёру своечасова зразумець, што нешта ідзе не так.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна14
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары