U Havanie i Vašynhtonie 20 lipienia upieršyniu bolš, čym za 50 hadoŭ znoŭ adkryvajucca pasolstvy ZŠA i Kuby.
Adnosiny pamiž dźviuma krainami byli zamarožanyja ŭ 1961 hodzie, kali ZŠA razarvali dypłamatyčnyja adnosiny z Kubaj i ŭviali embarha na handal z hetaj krainaj.
Z 1977 hoda ŭ ZŠA i na Kubie dziejničali dypłamatyčnyja misii, jakija nazyvali «misijaj intaresaŭ». Hetyja dypłamatyčnyja misii dziejničali pad abaronaj Šviejcaryi. Adnak jany nie mieli statusu pasolstva.
U kancy 2014 hoda ZŠA i Kuba pačali dypłamatyčnaje zbližeńnie.
U krasaviku prezident ZŠA pryniaŭ rašeńnie vyklučyć Kubu ź śpisu dziaržaŭ-sponsaraŭ teraryzmu.
Paźniej kiraŭnik dziaržsavieta Kuby Raul Kastra zajaviŭ, što dla adnaŭleńnia narmalnych uzajemaadnosin pamiž krainami nieabchodna całkam admianić embarha, uviedzienaje prezidentam Džonam Kieniedzi ŭ 1960 hodzie.
Kamientary