Jak toje nam znajomaje

Hety fatazdymak ja zrabiŭ paru hadzinaŭ tamu ŭ vielmi pryhožym i viadomym miescy ŭ centry Maskvy – na Čystych Prudach. Dumajecie, u rasiejskaj stalicy ŭviali vajennaje stanovišča? Dy nie, jakoje tam.

Kab vyśvietlić abstaviny, ja padyšoŭ da adnaho z pradstaŭnikoŭ siłaŭ pravaparadku, nazvaŭsia žurnalistam ź Biełarusi i, jak niemaskoviec, vykazaŭ zakikaŭlenaść, što tut adbyvajecca. Na što pačuŭ adkaz:

— Rychtujemsia da vystupu samadziejnaści.

— A što za samadziejnaść takaja?

— Tvorčaja. Pieć budziem dy tančyć.

— A, to moža heta źviazana z učorašnimi vybarami? Śviatkavańnie budzie?

— Aha, budzie. Maładyja milicyjanty vuń užo pryplasvajuć, – kiŭnuŭ u bok hrupy zusim maładych pracaŭnikoŭ ministerstva ŭnutranych spraŭ starejšy tavaryš.

Tłumačeńnie, viadoma, dziŭnaje. Tym bolš z boku čałavieka ŭ formie, jaki pry tym admoviŭsia nazvać siabie.

Jak tłumačeńnie takoj mabilizacyi bolš pasuje ŭ dadzienym vypadku toje paviedamleńnie, što 3 sakavika a 17 hadzinie ŭ Maskvie mieŭ adbycca Marš niazhodnych – akcyja, arhanizavanaja apazycyjnaj kaalicyjaj “Inšaja Rasieja”. I zbor udzielnikaŭ pryznačany mienavita na Čystych Prudach. Jak stała viadoma niekalki hadzinaŭ tamu, maskoŭskaja meryja kančatkova admoviła ŭ sahłasavańni “Marša niazhodnych”, nijak pry hetym nie matyvavaŭšy svajo rašeńnie.

U Pieciarburhu taksama mieŭ adbycca “Marš niazhodnych”, jaki, u adroźnieńnie ad maskoŭskaha, byŭ sankcyjanavany ŭładami. Kab uziać udzieł ŭ im, u paŭnočnuju stalicu Rasiei prylacieli lidery “Inšaj Rasiei”, viadomyja apazycyjnyja dziejsnamu režymu palityki Eduard Limonaŭ i Hary Kasparaŭ. Taksama mitynhi ŭ padtrymku “Maršaŭ niazhodnych” zaplanavany bolš jak 10 rehijonach Rasiei.

Nahadajem, što 2 sakavika ŭ Rasiejskaj Fiederacyi adbylisia vybary prezidenta. Pavodle papiarednich źviestak, pieramohu atrymaŭ Dźmitry Miadźviedzieŭ. Paśla padliku 99,45 % biuleteniaŭ, jon maje 70,23 % hałasoŭ vybarščykaŭ.

Hałoŭnaje pytańnie, jakoje chočacca zadać uładam (usio tym ža, pucinskim; bo źmiena ŭłady naŭrad ci adbudziecca pry “pierajemniku”): kali novaabrany prezident maje absalutnuju padtrymku nasielnictva krainy (tut treba adznačyć, što padtrymku jak minimum bolšaści toj maje), a apazycyja pradstaŭlena, jak zajaŭlajecca, marhinalizavanymi hrupami, to navošta tady spatrebiłasia vyvodzić vojski ŭ centar stalicy Rasiei suprać kupki niazhodnych? A moža ŭsio ž tki jość čaho bajacca? Bajacca, što niešmathałosy kryk nieabyjakavych dy niazhodnych budzie pačuty...

Hech, jak toje nam znajomaje...

• 0
• 0
• 0
• 0
• 0
• 0
• 0
• 0