Kiebič: Kali Eŭrasajuz dałučycca da sankcyjaŭ, biełaruskaj ekanomicy budzie ciažka
Były premjer-ministar Biełarusi prakamentavaŭ čarhovaje abvastreńnie ŭ biełaruska-amerykanskich adnosinach i zaklikaŭ da prymireńnia z ZŠA.
Były premjer-ministar Biełarusi Viačasłaŭ Kiebič tak prakamentavaŭ čarhovaje abvastreńnie ŭ biełaruska-amerykanskich adnosinach:
— Novy vitok abvastreńniaŭ adnosinaŭ sa Złučanymi Štatami Ameryki pradkazać było nieskładana. U hetaha kanfliktu daŭniaja historyja. I jon narastaŭ z hodu ŭ hod, by śniežny kom. My, na žal, nia zdoleli mieć karyść dla siabie ź vizytu ŭ Miensk Biła Klintana, jaki adbyŭsia ŭ 1994 h. Ja byŭ niepasrednym udzielnikam tych pomnych padziejaŭ i z poŭnaj adkaznaściu zajaŭlaju: było ŭzajemaparazumieńnie, była hatoŭnaść abodvuch bakoŭ raźvivać uzajemavyhodnaje supracoŭnictva.
Dalejšaje nahniatańnie žarściaŭ moža mieć vielmi surjoznyja nastupstvy. Kali da amerykanskich sankcyjaŭ dałučycca Eŭrasajuz, a heta całkam realna, biełaruskaja ekanomika apyniecca ŭ vielmi ciažkim stanoviščy. Viedajučy nastroi ŭ Maskvie, mahu pradkazać, što Rasieja ŭ hetaj kanfrantacyi, chutčej za ŭsio, zojmie pazycyju, blizkuju da neŭtralnaj. Na rašajučym etapie ŭstupleńnia ŭ SHA joj zusim niedarečy psavać adnosiny z Zachadam. Toje, što Dźmitry Miadźviedzieŭ schilny svoj pieršy aficyjny vizyt u jakaści prezydenta mieć u Biełaruś, nie pavinna sparadžać iluzijaŭ.
U maju bytnaść premjer-ministram my namahalisia na pieršy płan u ŭzajemaadnosinach z usimi dziaržavami stavić pazytyŭ; šukali toje, što nas jadnaje, zychodziačy z taho, što kiepski mir zaŭsiody lepšy za dobruju zvadu. Mo varta viarnucca da hetaj, pravieranaj stahodździami formule?
-
Palčys zaklikaŭ nie pierapisvać historyju 2020 hoda: Nie šukajcie łžyvych viersij minułaha
-
Bialacki: Dałučeńnie da Jeŭrasajuza — heta nie pytańnie «chaču — nie chaču», heta pytańnie vyžyvańnia biełarusaŭ jak naroda
-
Turarbiekava: Hałoŭnaje pytańnie ciapier u tym, na jakuju častku suvierenitetu pahodzicca Łukašenka
Ciapier čytajuć
«Ja supracoŭnica KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku3
Kamientary