U kiryličnaj damiennaj zonie.bieł užo zarehistravana bolš za 7 tys. damienaŭ
U kiryličnaj damiennaj zonie .bieł užo zarehistravana bolš za 7 tys. damienaŭ, u tym liku bolš za 3,7 tys. — siońnia, z pačatkam adkrytaj rehistracyi damienaŭ u zonie.bieł.
Ab hetym paviedamiŭ 1 kastryčnika na pres-kanfierencyi ŭ Minsku Siarhiej Pavališaŭ, načalnik adździeła chostynhu i rehistracyi damienaŭ UP «Nadziejnyja prahramy», jakoje źjaŭlajecca techničnym administrataram damiennaj zony.bieł.
Pavodle jaho słoŭ, pakul pieravažnaja bolšaść damienaŭ u zonie.bieł rehistrujecca na ruskaj movie.
Dla rehistracyi damiena ŭ zonie.bieł dastatkova vybrać luby svabodny damien na sajcie akredytavanaha rehistratara i apłacić pasłuhu zručnym sposabam. Košt rehistracyi na adzin hod roŭny hadavomu koštu damiena .by — 150.000 rubloŭ. Damien možna zarehistravać na adzin abo na dva hady.
Damien pieršaha ŭzroŭniu.bieł, z padtrymkaj ałfavitaŭ ruskaj i biełaruskaj movy, byŭ delehiravany Biełarusi mižnarodnaj arhanizacyjaj ICANN 26 žniŭnia 2014 hoda. U lutym 2015 hoda ŭ novaj damiennaj zony źjaviŭsia administratar (Apieratyŭna-analityčny centr pry prezidencie Biełarusi) i techničny administratar (UP «Nadziejnyja prahramy», hoster.by), a praz usiaho piać dzion paśla hetaha damiennaja zona.bieł była technična hatova da rehistracyi damienaŭ.
Adkrytamu prodažu damienaŭ u zonie.bieł papiaredničali dva etapy pryjarytetnaj rehistracyi, jakija, jak paviedamiŭ Pavališaŭ, «prajšli biez surjoznych kanfliktaŭ i jurydyčnych kalizij». «Ich vyniki dajuć nam usie padstavy mierkavać, što novaja damiennaja zona padniasie nam jašče šmat cikavych adkryćciaŭ. U damiennaj zonie.bieł užo jość prajekty, jakija zasłuhoŭvajuć uvahi», — zajaviŭ jon.
Na dumku techničnych administrataraŭ damienaŭ u zonie.bieł, adras sajta na ruskaj abo biełaruskaj movie abjektyŭna praściej zapomnić i pravilna vymavić na słych. Da taho ž jon daje biełarusam novyja mahčymaści dla prasoŭvańnia svaich prajektaŭ u sietcy: jak u luboj novaj damiennaj zonie, u.bieł jašče šmat svabodnych imionaŭ, što dazvalaje karystalnikam vybrać dla svajho sajta pryhožy i hučny adras.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary