Za minuły hod u krainie złoŭlena 14 tysiač parušalnikaŭ.
Dziaržaŭnaja inspekcyja achovy žyviolnaha j raślinnaha śvietu pry prezydencie Biełarusi skłała svojeasablivuju «Mapu brakańjerstva». Dziela hetaha inspektary praanalizavali dadzienyja za niekalki hadoŭ, u jakich rajonach krainy najčaściej palujuć brakańjery. Taksama na hetuju mapu patrapiła infarmacyja, dzie ŭ nas najčaściej ludzi parušajuć pryrodaachoŭnaje zakanadaŭstva.
U Dziaržinspekcyi zaznačajuć, što takaja mapa patrebnaja, kab efektyŭniej kaardynavać pracu pa vyjaŭleńni j karańni brakańjeraŭ.
Tym časam mapu nie źbirajucca pakazvać šyrokamu kołu hramadztva, kab «nie padahravać cikaŭnaści ludziej i nie pravakavać dadatkovaj aktyvizacyi brakańjerstva». Inspektary tolki zaznačajuć u ahulnych frazach, što «najbolš brakańjeraŭ tam, dzie najbolš ryby j žyviołaŭ». Nazyvajucca rehijony: Viciebščyna j Mienščyna, jakija lidyrujuć pa kolkaści składzienych pratakołaŭ.
A pratakołaŭ bolej z kožnym hodam: za 2006 hod skłali 12 600, a za 2007 užo 14 tysiač pratakołaŭ. Bolšaść ź ich — 8200 — składziena za parušeńni ŭ halinie rybałoŭstva. Za minuły hod inspektary kanfiskavali ŭ parušalnikaŭ zvyš 17 800 pryładaŭ niezakonnaha palavańnia, u tym liku amal 15 tysiač sietak. Siarod inšych pryładaŭ — 19 elektryčnych ahrehataŭ dla zabojstva ryby j 14 vybuchovak dla toj ža mety. Uva ŭsich brakańjeraŭ za hod zabrali 16 ton niezakonna zdabytaj ryby.
Akramia parušeńniaŭ na ahulnych vadajomach, boleje vypadkaŭ kradziažu ryby na sažałkach, jakija naležać rybnym haspadarkam. Ciaham hodu inspektary pieradali im nazad bolš za 4 tony niezakonna złoŭlenaj ryby.
Što da palavańnia, dyk za minuły hod Dziaržinspekcyja vyjaviła 960 vypadkaŭ parušeńnia zakonu. Kanfiskavana 548 strelbaŭ i bolš za 5 tonaŭ miasa žyviołaŭ.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?1
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary