U Minsku pačaŭ pracavać anłajn-servis pa vykliku aŭtamabilaŭ Uber

Jak paviedamiŭ na pres-kanfierencyi 5 listapada hienieralny mieniedžar Uber u Biełarusi Alaksiej Stach, Minsk staŭ pieršym horadam u krainie, u jakim Uber prapanuje karystalnikam svaju płatformu.

U Minsku budzie pracavać premijalny servis UberBLACK pa maksimalna dastupnych cenach.

Žychary i hości horada zmohuć skarystacca servisam pa zamovie aŭtamabila, jaki paśpiachova pracuje ŭ Łondanie, Maskvie, Stambule, Łos-Andželesie i jašče bolš čym u 360 haradach śvietu. Pryčym, jak padkreśliŭ Stach, zarehistravacca ŭ servisie spatrebicca tolki adzin raz, a karystacca im možna budzie ŭsiudy, dzie jon pradstaŭleny.

Pa słovach hienmieniedžara, partniorami Uber u Biełarusi vystupajuć tolki zarehistravanyja transpartnyja kampanii i indyvidualnyja pradprymalniki. «Ciažar adpaviednaści ź miascovym zakanadaŭstvam u śfiery pieravozak lažyć na partniorach. Asablivaść Uber u tym, što heta infarmacyjnaja płatforma, jakaja złučaje pasažyra i karystalnika. Sa svajho boku, my nie padklučajem da płatformy tych, u kaho niama transpartnych licenzij, strachoŭki i inšych nieabchodnych dakumientaŭ», — padkreśliŭ Stach.

Jon adznačyŭ, što premijalny servis UberBLACK pastarajecca znajści ŭ Minsku zbałansavany popyt i prapanovu. Čakajecca, što siaredni čas padačy mašyny karystalniku z momantu zvarotu składzie da piaci chvilin.

Servis prapanuje ŭ Minsku śpiecyjalnyja taryfy: 45.000 rubloŭ za padaču aŭtamabila, 7.000 rubloŭ za kiłamietr i 1.250 rubloŭ za chvilinu pajezdki. Košt pajezdki ad rajona vuł. Zybickaj da vuł. Kastryčnickaj składzie 69.000—77.000 rubloŭ, ad «Minsk-Areny» da płoščy Svabody — 98.000—115.000 rubloŭ, a ad Nacyjanalnaj biblijateki da kinateatra «Biełaruś» možna budzie dajechać za 117.000—141.000 rubloŭ. Daroha ad čyhunačnaha vakzała da Nacyjanalnaha aeraporta Minsk budzie kaštavać 430.000—470.000 rubloŭ.

Apłata pajezdak na Uber robicca vyklučna pa bieznajaŭnym raźliku.

Jak padkreśliŭ Stach, sistema nie vyvučaje taksomietr, a vyrablaje raźlik pa zaprahramavanaj schiemie.

U bližejšy čas u Minsku budzie adkryty centr pa pracy z kiroŭcami, kudy partniory Uber mohuć prychodzić u pracoŭny čas, kab atrymać infarmacyju ab pracy mabilnaj prahramy i supracoŭnictvie z kampanijaj. Jaje pradstaŭniki nie vyklučajuć nakładak ŭ pieršyja dni pracy sistemy, u tym liku pry apłacie kartkami.

Spampavać prahramu Uber možna ŭ App Store, Google Play, a taksama na sajcie Windows Phone.

• 0
• 0
• 0
• 0
• 0
• 0
• 0
• 0