Vital Cyhankoŭ: Aleksijevič nikomu nie pavinna, ale my nie pavinny va ŭsim pahadžacca ź joj
Ludzi! Krytyki krytykaŭ Śviatłany Aleksijevič! (jakich amal nichto nia bačyŭ, ale jakich usie aktyŭna haniać). Niaŭžo vy nie razumiecie, što zaŭtra možacie akazacca na ichnim miescy?
Siońnia Śviatłana skazała štości, što nie spadabałasia niejkim ludziam (durakam, nacyjanalistam, biełavacie, jak ich užo abazvali), i jany heta aściarožna vykazali. Ale ž zaŭtra jana skaža niešta, što aktyŭna nie spadabajecca vam!
Zaŭtra Śviatłana znoŭ vykaža svajo zachapleńnie Karatkievič, i moža navat padtrymaje jaje i Dźmitryjeva na parłamenckich vybarach. Što budzie kazać Chartyja, što napiša Iryna Chalip i Mikałaj Chalezin z hetaj nahody? Nazaviecie jaje ahientam KDB — jak usich, chto idzie na vybary, a tym bolš ad «Havary praŭdu»?
Ci jana vykažacca za mihrantaŭ u Eŭropie, i mahčyma, navat padtrymaje «spraviadlivuju baraćbu palestynskaha narodu» ( a heta mnie zdajecca vielmi vierahodnym, uličvajučy jaje levyja pohlady). Što skažuć prychilniki Izrailu i pryncypu «Eŭropa pamiraje z-za mihrantaŭ»?
Ludzi, jakija hadami klanucca, što nie pryznajuć aŭtarytetaŭ, siońnia hatovyja malicca na kožny huk aficyjna pryznanaha mižnarodnaj supolnaściu (nu tak, dla niekatorych heta ž samaje važnaje!) aŭtaryteta. Ludzi, jakija hadami śmiajalisia z zaciatych KCHPistaŭ — siońnia pavodziać siabie jak niejkija aniekdatyčnyja KCHPisty ŭ kvadracie, zatykajučy rot usim, chto «pasiahnuŭ na śviatoje».
Niaŭžo nielha spakojna ŭspryniać formułu – tak, Nobeleŭskaja łaŭreatka nikomu z nas ničoha nie pavinna (chacia hramadzkuju adkaznaść za svaje słovy jana niasie bolšuju, čym luby inšy čałaviek), ale i my nie abaviazanyja va ŭsim supadać ź joj. U kožnaha z nas svaje pohlady i pryncypy, i tak niejak atrymalisia, što jany mohuć nie supadać z pohladami łaŭreataŭ, prezydentaŭ, carkoŭnych jerarchaŭ i kamputarnych hienijaŭ. Ci heta pryčyna ich nie vykazvać? Niaŭžo ciažka zrazumieć, što siońnia vy zaciata «krytykujecie krytykaŭ», — ale ž zaŭtra (kali vy realna majecie niejkija ŭłasnyja pohlady) abaviazkova apynieciesia na ichnim miescy?
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary