Śpiavačka Julija Čyčeryna pavinšavała rasijskich vajskoŭcaŭ na bazie Chmiejmim u Siryi z Novym hodam, pieradajuć rasijskija infarmahienctvy.
«Ja pryjechała padtrymać voinaŭ. Ja chacieła vielmi siudy pryjechać. Siryja — cudoŭnaje miesca, cikavaje, praktyčna kałyska cyvilizacyi», — skazała jana.
Pa słovach śpiavački, jana choča pažadać rasijskim vajskoŭcam, jakija znachodziacca ŭ Siryi, «kab bierahli siabie i viartalisia cełymi i zdarovymi ź pieramohami».
Čyčerynaj spadabałasia na bazie: «Tut kruta, čyścieńka, mnie padabajecca, dobra».
Śpiavačka pryjechała ŭ Łatakiju z Łuhanska.
«Novy hod, a jany na čužynie, ja tamu i rvanuła. Z Łuhanska adrazu ž u Siryju», — adznačyła jana.
Čyčeryna vykanała niekalki svaich piesień, akampanujučy sabie na ŭkulele, akramia jaje z hrupy ŭ Siryi byŭ tolki hitaryst.
Rasijskija ŚMI nie dajuć fatahrafij z vystupu Čyčerynaj u Łatakii, imavierna, ź mierkavańniaŭ biaśpieki.
Stała viadoma, chto moža ŭvajści ŭ novy abmien źniavolenymi pamiž ZŠA i Rasijaj5
Kamientary