Daradca ministra infarmacyjnaj palityki Ukrainy pa spravach Kryma Emine Džepar zajaviła, što z 26 lutaha va ŭkrainskich škołach buduć pravodzić uroki pra padziei viasny 2014 hoda, kali paŭvostraŭ Krym byŭ anieksavany Rasijaj.
«Meta ŭroka ŭ starejšych kłasach — raskazać i pakazać hramadzianski supraciŭ Kryma akupacyi i raźviejać mif pra toje, što Krym całkam padtrymaŭ rasiejskaje ŭvarvańnie i zachop ŭkrainskaj terytoryi», — napisała Džepar u fejsbuku.
Rasiejskim školnikam pačali abhruntoŭvać dałučeńnie Kryma jašče ŭ mai minułaha hoda.
Tady ministerstva adukacyi i navuki Rasii apublikavała rekamiendacyi i materyjały dla ŭrokaŭ, na jakich vučniam pavinny byli raskazać pra pryčyny dałučeńnia da Rasii Kryma. Uroki pad nazvaj «Krym i Sievastopal: ich histaryčnaje značeńnie dla Rasii» ministerstva adukacyi prapanoŭvała pravieści ŭ 5-11 kłasach.
Siarod metaŭ takich urokaŭ — «pakazać miratvorčy i humanistyčny charaktar dziejańniaŭ Rasii» na paŭvostravie.
U rekamiendacyjach dla nastaŭnikaŭ prapanoŭvałasia nazyvać pryčynaj refierendumu ŭ Krymie toje, što ŭładu va Ukrainie zachapili «padtrymanyja krainami NATA pravaradykalnyja i rusafobskija elemienty».
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom1
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary