Nardepy ad Radykalnaj partyi Ukrainy Andrej Łazavy i Aksana Karčynskaja padali ŭ Viarchoŭnuju Radu prajekt zakona №2276a, jakim prapanujuć zabaranić usim dziaržaŭnym orhanam užyvać nazvu ciapierašniaj Rasijskaj Fiederacyi «Rasija», naŭzamien patrabujučy viarnuć histaryčnaje — «Maskovija».
U tłumačalnaj zapiscy da zakonaprajekta havorycca, što nazva «Ruś» i vytvornaja ad jaje «Rasija» źjaŭlajecca ahulnapryznanaj nazvaj ciapierašniaj Ukrainy.
Pavodle jaje, terytoryja ciapierašniaj Rasijskaj Fiederacyi nikoli, da novaha času, nie nazyvalisia zamiežnymi krynicami i miascovymi žycharami ni «Ruśsiu», ni «Rasijaj». U zachodnich krynicach da XVIII stahodździa, uklučna, Ukraina vystupała pad nazvaj «Ruś», a narod, uklučajučy i kazakoŭ, nazyvaŭsia «rusami» ci «rutencami».
Paniaćcie «Ruś» jość histaryčna uspadkavanaj źjavaj jak nazva terytoryi i ludziej Kijeŭskaha kniastva, Pierajasłaŭskaha kniastva i bolšaj častki Čarnihaŭskaha kniastva. Šmatlikija dakładnyja histaryčnyja krynicy śviedčać ab tym, što nazva «Ruś» i/abo «Rasija» moža być prymieniena tolki da terytoryj sučasnaj Ukrainy, ale nijak nie być aficyjnaj nazvaj dziaržavy-ahresara.
«Z metaj vykanańnia patrabavańniaŭ hetaha Zakona ŭsim orhanam dziaržaŭnaj ułady, orhanam miascovaha samakiravańnia, pradpryjemstvam, ustanovam i arhanizacyjam, u tym liku, pradstaŭnictvam zamiežnych subjektaŭ haspadarčaj dziejnaści, jakija dziejničajuć na terytoryi Ukrainy, rekamiendavać vykarystoŭvać zamiest słova «Rasija», jakoje vykarystoŭvajecca ŭ jakaści nazvy abo sinonima Rasijskaj Fiederacyi, i/abo dla abaznačeńnia sučasnaj terytoryi Rasijskaj Fiederacyi abo luboj jaje častki, histaryčnuju nazvu terytoryi sučasnaj Rasijskaj Fiederacyi — «Maskovija», — havorycca ŭ zakonaprajekcie.
Stała viadoma, chto moža ŭvajści ŭ novy abmien źniavolenymi pamiž ZŠA i Rasijaj5
Kamientary