Žycharka Minska atrymała traŭmy z-za lodu i mokraha śniehu, jaki ŭpaŭ na jaje z dachu budynka. Incydent adbyŭsia ranicaj 3 sakavika na vulicy Prytyckaha, paviedamiŭ pres-sakratar Minskaha haradskoha ŭpraŭleńnia Ministerstva pa nadzvyčajnych situacyjach Vital Demboŭski.
«Padraździaleńni MNS na miesca zdareńnia nie pryciahvalisia, paviedamleńnie pa fakcie atrymańnia traŭmy i špitalizacyi pastupiła nam ad chutkaj dapamohi», — skazaŭ jon.
Z čerapna-mazhavoj traŭmaj i udaram plača paciarpiełaja była dastaŭlena ŭ balnicu, adnak, pa niepaćvierdžanaj infarmacyi, ad dalejšaj špitalizacyi jana admoviłasia.
«Chaciełasia b jašče raz nahadać bałansaŭtrymalnikam, što śnieh z dachaŭ treba čyścić, — padkreśliŭ Demboŭski. — Z-za cykłonaŭ śniehu napadała šmat. Zaraz rezka paciapleła i śnieh pačaŭ spaŭzać z dachaŭ. Tym, chto adkazny za ekspłuatacyju budynkaŭ, nieabchodna arhanizavać ačystku dachaŭ. Miescy praviadzieńnia rabot, a taksama nieačyščanyja budynki, jakija ŭjaŭlajuć niebiaśpieku, u abaviazkovym paradku pavinny być aharodžanyja».
«Ludziam ža varta być bolš uvažlivymi i sačyć za stanoviščam, prachodziačy mima budynkaŭ, asabliva sa skatnym dacham», — padsumavaŭ pres-sakratar Minskaha haradskoha ŭpraŭleńnia MNS.
Ciapier čytajuć
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary