Ameryka, 1953 hod. Senatar Makkarci abviaściŭ palavańnie na kamunistaŭ. Ale teležurnalist Edvard Maraŭ (Dejvid Stretchejrn) usumniŭsia, što ŭsie vakoł vorahi i «čyrvonyja»...
«Dabranač i ŭdačy» (Good Night, and Good Luck).
ZŠA, 2005, čorna-bieły, 90 chv.
Žanr: drama.
Adznaka: 6 (z 10).
Ameryka, 1953 hod. Senatar Makkarci abviaściŭ palavańnie na kamunistaŭ. Ale teležurnalist Edvard Maraŭ (Dejvid Stretchejrn) usumniŭsia, što ŭsie vakoł vorahi i «čyrvonyja»...
Stylovaja režyserskaja praca Džordža Kłuni, jaki taksama vystupiŭ u adnoj z rolaŭ. Čorna-biełaja aŭra, vializnyja aparaty pieršaje televizii, nastup paranoi — i zmahańnie za praŭdu. Žyćcio nie źjaŭlajecca čorna-biełym, ludzi nie padzialajucca na «našych» i «nianašych», i śćvierdzić heta — značyć, śćvierdzić svabodu j prava na čałaviečuju hodnaść.
Ameryka 50-ch i padobnaja, i nie padobnaja da Biełarusi. Kryki Makkarci i navat abličča jahonaje, złoje i łysaje, šmat skažuć biełaruskamu hledaču. Ale amerykanskaja abarona svabody, niezaležnaja televizija j hazety vyhladajuć dośviedam fantastyčnym.
Karcina Kłuni namiakaje na administracyju Buša, ale pasłańnie stvoranaje i dla inšych krainaŭ.
Adtočanaja, jak lepšyja filmy nuar, hienijalnaja ŭ drobnych žestach i pozirkach, karcina moža zdacca chaładnavataju. Ale jana zdolnaja pašyryć kulturnicki dośvied.
Seansy ŭ mienskaj «Pieramozie»:
24, 25 krasakavika — 14.40, 16.30.
26—30 krasavika — 14.20, 21.20.
Ilhotny seans 29 krasavika a 14.20.
Kamientary