Амэрыка, 1953 год. Сэнатар Маккарці абвясьціў паляваньне на камуністаў. Але тэлежурналіст Эдвард Мараў (Дэйвід Стрэтхэйрн) усумніўся, што ўсе вакол ворагі і «чырвоныя»...
«Дабранач і ўдачы» (Good Night, and Good Luck).
ЗША, 2005, чорна-белы, 90 хв.
Жанр: драма.
Адзнака: 6 (з 10).
Амэрыка, 1953 год. Сэнатар Маккарці абвясьціў паляваньне на камуністаў. Але тэлежурналіст Эдвард Мараў (Дэйвід Стрэтхэйрн) усумніўся, што ўсе вакол ворагі і «чырвоныя»...
Стылёвая рэжысэрская праца Джорджа Клуні, які таксама выступіў у адной з роляў. Чорна-белая аўра, вялізныя апараты першае тэлевізіі, наступ параноі — і змаганьне за праўду. Жыцьцё не зьяўляецца чорна-белым, людзі не падзяляюцца на «нашых» і «нянашых», і сьцвердзіць гэта — значыць, сьцьвердзіць свабоду й права на чалавечую годнасьць.
Амэрыка 50-х і падобная, і не падобная да Беларусі. Крыкі Маккарці і нават аблічча ягонае, злое і лысае, шмат скажуць беларускаму гледачу. Але амэрыканская абарона свабоды, незалежная тэлевізія й газэты выглядаюць досьведам фантастычным.
Карціна Клуні намякае на адміністрацыю Буша, але пасланьне створанае і для іншых краінаў.
Адточаная, як лепшыя фільмы нуар, геніяльная ў дробных жэстах і позірках, карціна можа здацца халаднаватаю. Але яна здольная пашырыць культурніцкі досьвед.
Сэансы ў менскай «Перамозе»:
24, 25 красакавіка — 14.40, 16.30.
26—30 красавіка — 14.20, 21.20.
Ільготны сэанс 29 красавіка а 14.20.
Ад прыватнікаў патрабуюць завесці ідэолага ў штаце — распыталі, што робяць кампаніі18
Каментары