Sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec 6 krasavika aštrafavany sudom Maskoŭskaha rajona Minska na 45 bazavych vieličyń (9 młn. 450 tys. rubloŭ) za ŭdzieł u akcyi pradprymalnikaŭ, jakaja adbyłasia 14 sakavika la budynka Ministerstva pa padatkach i zborach.
Sieviaryniec paviedamiŭ BiełaPAN, što sam na sudzie nie prysutničaŭ, pra rašeńnie daviedaŭsia pa telefonie. U pratakole za ŭdzieł u akcyi pradprymalnikaŭ było napisana, što palityk kryčaŭ na akcyi «Žyvie Biełaruś!» i «Pracu!».
Siońnia za ŭdzieł u akcyi pradprymalnikaŭ sudom Maskoŭskaha rajona Minska na 15 bazavych vieličyń (3 młn. 150 tys. rubloŭ) taksama byŭ aštrafavany staršynia respublikanskaha hramadskaha abjadnańnia «Pierśpiektyva» Anatol Šumčanka.
Kamientary