Siarhiej Kavalenka, jakoha kala 10‑j ranicy 26 krasavika milicyjanty zatrymali ź bieł‑čyrvona‑biełym ściaham na vulicy Lenina, zajaviŭ chadajnictva, kab sudździa Ŭładzisłaŭ Šykaroŭ razmaŭlaŭ ź im pa‑biełarusku.
Zamiest hetaha sudździa vyrašyŭ zaprasić da ŭdziełu ŭ sudovym pracesie pierakładčyka.
Praciah pracesu nad Siarhiejem Kavalenkam, adpuščanym z‑pad varty paśla amal dvuch sutak u izalatary časovaha ŭtrymańnia, pryznačany na 7 traŭnia.
Sud nad jašče adnym zatrymanym za ŭdzieł u niesankcyjanavanaj akcyi, Alaksandram Kuźniacovym, taksama adbudziecca paźniej.
Lidera viciebskaj «Moładzi BNF» Alaksandra Kuźniacova zatrymali na ŭźbiarežžy Vićby ŭviečary 26 krasavika i zavieźli ŭ Kastryčnicki RAUS. Načalnik rajadździełu Andrej Prakapovič zahadaŭ, kab da sudu chłopca źmiaścili ŭ izalatar časovaha ŭtrymańnia. U izalatary ŭ Alaksandra Kuźniacova ŭźniaŭsia cisk, i jon niekalki razoŭ prasiŭ medyčnaj dapamohi. Pavodle jahonych słovaŭ, napačatku jamu vyklikali «chutkuju dapamohu» i zavieźli ŭ špital, adnak kali prystup paŭtaryŭsia, novaje patrabavańnie vyklikać medykaŭ achoŭniki rascanili jak sprobu parušeńnia režymu. Chłopiec kaža, što jaho trymali ŭ kajdankach i katavali. Pra heta jon źbirajecca napisać skarhu ŭ prakuraturu.
U sud Kastryčnickaha rajonu Alaksandar Kuźniacoŭ paviedamiŭ, što źjavicca na sudovy praces, kali budzie pačuvacca lepiej. Data sudu pakul nie pryznačana.
Sajt Radyjo Svabody treci dzień nie pracuje. Niekatoryja materyjały kalehaŭ-žurnalistaŭ my pieradrukoŭvajem.
Byłoha supracoŭnika kontrraźviedki KDB aryštavali za zdradu dziaržavie9
Kamientary