Idzie dadatkovy nabor u biełaruskamoŭnuju himnaziju №4, što kala mietro «Kamiennaja Horka»
Pražyvajecie ŭ Frunzienskim rajonie i žadajecie, kab vašy dzieci navučalisia na biełaruskaj movie? Zaraz heta mahčyma! «Himnazija №4 h. Minska» abviaščaje dadatkovy nabor na volnyja miescy ŭ 6, 7, 8 i 10 kłasy himnazii.
Ałharytm pastupleńnia:
1. Zaraz (u mai) nieabchodna damovicca pra čas sustrečy z dyrektaram albo namieśnikam dyrektara nakont pastupleńnia ŭ himnaziju pa haradskim telefonie 258-49-71.
2. Naviedać «Himnaziju №4 h. Minska» va ŭzhodnieny čas i atrymać metavaje nakiravańnie na ŭstupnyja ispyty.
3. Padać dakumienty na pastupleńnie ŭ pieryjad z 2 červienia pa 10 žniŭnia 2016.
4. U siaredzinie žniŭnia prajści ŭstupnyja testy, jakija adbyvajucca ŭ hetym hodzie na bazie himnazii №31 (h. Minsk, vuł. Mazurava, 6).
5. Pryjści vučycca 1 vieraśnia 2016 u himnaziju.
Jakija dakumienty patrebny dla pastupleńnia?
1. Zajava na imia dyrektara «Himnazii №4 h. Minska» Bandarenki Juryja Michajłaviča.
2. Paśviedčańnie ab naradžeńni albo pašpart vučnia ci vučanicy.
3. Miedycynskaja daviedka.
4. Vypiska z hadavymi adznakami z kłasnaha žurnała za apošni hod navučańnia z vyviedzienym siarednim bałam (akruhleńnie da dziasiatych).
5. Pry padačy dakumientaŭ u 10 kłas — paśviedčańnie ab ahulnaj bazavaj adukacyi.
Zastalisia pytańni? Patelefanujcie siońnia (17) 258-49-71 i daviedajciesia, što nieabchodna zrabić, kab u vieraśni vašy dzieci pačali vučycca ŭ himnazii na biełaruskaj movie!
Kantakty:
DUA «Himnazija №4»
h. Minsk, vuł. Kuncaŭščyna,18,
tieł. +375 (17) 258 49 71
http://gymn4.minsk.edu.by/
Dzie znachodzicca himnazija №4? Karta.
800 mietraŭ ad stancyi mietro «Kamiennaja Horka».
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary