Kiraŭnictva sietki mikrabłohaŭ Tvitar aficyjna abviaściła pra źmianieńnie dziejańnia limitu ŭ 140 simvałaŭ u paviedamleńni.
Jak havorycca ŭ błohu starejšaha mieniedžara Toda Šermana, apublikavanym na sajcie kampanii ŭ aŭtorak, padlik znakaŭ admianiajecca, kali karystalnik dadaje miedyjadadatki — fatahrafii, videaroliki, GIF-fajły i cytaty.
Praviła 140 simvałaŭ taksama pierastaje dziejničać u adkazach na tvity, paznačanyja simvałam @imia. Novyja tvity, jakija pačynajucca z hetaha simvała, buduć bačnyja ŭsim fołavieram.
Knopka Retweet aktyvujecca takim čynam, što dazvalaje karystalnikam paŭtorna dzialicca ŭłasnymi paviedamleńniami i cytatami.
Adzin z zasnavalnikaŭ i kiraŭnik Tvitara Džek Dorsi skazaŭ u intervju Bi-bi-si, što meta hetych novaŭviadzieńniaŭ zaklučajecca ŭ tym, kab spraścić žyćcio karystalnikam i zrabić paviedamleńni bolš asensavanymi.
Tod Šerman padkreśliŭ, što ŭsie novyja funkcyi pačnuć pracavać u bližejšyja miesiacy. Kampanija imkniecca da taho, kab raspracoŭščyki prahram dla trecich bakoŭ mahli adpaviednym čynam adaptavać svaje pradukty.
Tvitar pajšoŭ na źmieny praviłaŭ karystańnia dziela pryciahnieńnia novych karystalnikaŭ, kolkaść jakich, pavodle mierkavańnia kampanii, raście niedastatkovymi tempami.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary