Bolš jak 180 nasielenych punktaŭ Biełarusi pakul zastajucca biez elektrazabieśpiačeńnia.
Z-za niepahody na terytoryi Biełarusi ŭ minułyja sutki byli abiastočany 1126 nasielenych punktaŭ, 141 sielskahaspadarčy budynak. «Pakul zastajucca biez elektrazabieśpiačeńnia 187 nasielenych punktaŭ i 12 sielhasbudynkaŭ. Adklučeńni likividujucca avrayjnymi bryhadami», - udakładnili ŭ MNS.
Pavodle apieratyŭnych źviestak, z-za prachodžańnia navalničnaha frontu 13 lipienia z paryvami vietru da 21 m/s paciarpieli 510 nasielenych punktaŭ u 26 rajonach Viciebskaj, Homielskaj, Hrodzienskaj, Minskaj, Mahiloŭskaj abłaściej i Minska. «Paškodžany dachi 622 žyłych damoŭ, 13 abjektaŭ sackultbytu, 6 vytvorčych i 89 sielskahaspadarčych budynkaŭ, adbyłosia abrušeńnie dźviuch vodanapornych viežaŭ u vioskach Nataljeŭsk Červieńskaha rajona i Piekalin Smalavickaha rajona Minskaj vobłaści», - prainfarmavali ŭ MNS.
Akramia taho, zafiksavana 4250 vypadkaŭ padzieńnia dreŭ u Viciebskaj, Minskaj, Mahiloŭskaj abłaściach i Minsku (3611 z ahulnaj kolkaści), ź ich 447 upali na transpartnyja srodki. Rabotnikami MNS i inšych arhanizacyj pravodzilisia raboty pa raśpiłoŭvańni i prybirańni takich dreŭ - rasčyščana 16 učastkaŭ daroh ahulnaj praciahłaściu 4,1 km.
«Pa miedycynskuju dapamohu va ŭstanovy achovy zdaroŭja źviarnulisia 36 čałaviek, ź ich 7 špitalizavany», - adznačyli ŭ MNS.
Na terytoryi Nacyjanalnaha aeraporta Minsk paškodžany pavietranyja sudny na ziamli, majucca paškodžańni vytvorčych budynkaŭ i srodkaŭ naziemnaha absłuhoŭvańnia avijacyjnaj techniki.
Taksama z-za adklučeńnia elektrazabieśpiačeńnia kantaktnych linij adbyłosia 26 spynieńniaŭ ruchu ciahnikoŭ. «Čas zatrymki skłaŭ ad 15 chvilin da dźviuch hadzin 35 chvilin», - raskazali ŭ vyratavalnym viedamstvie.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary