Centr abarony piersanalnych źviestak ličyć, što DAI z «tabło hańby» parušaje zakon
Nacyjanalny centr abarony piersanalnych danych pastaviŭ pad sumnieŭ zakonnaść pracy novaj intelektualnaj sistemy DAI, jakaja publična demanstruje rehistracyjnyja numary aŭtamabilaŭ-parušalnikaŭ na prydarožnych tabło.
Technałohija aŭtamatyčnaj fiksacyi parušeńniaŭ na trasie R-53 ad Žodzina da Kurhana Słavy vyklikała pytańni ŭ jurystaŭ, raskazvaje ANT.
Sutnaść kanfliktu palahaje ŭ pravavym statusie dziaržaŭnaha numara transpartnaha srodku. Zhodna ź biełaruskim zakanadaŭstvam, hetyja źviestki adnosiacca da piersanalnych danych, a ich raspaŭsiud biez zhody ŭładalnika abmiežavany.
Načalnik upraŭleńnia kantrolu i aŭdytu Nacyjanalnaha centra abarony piersanalnych danych Biełarusi Vital Dzisko paćvierdziŭ, što jany padrychtavali aficyjny list z patrabavańniem udakładnić pravavyja padstavy dla takoj apracoŭki infarmacyi.
Novaja sistema vykarystoŭvaje štučny intelekt dla vyjaŭleńnia roznych typaŭ parušeńniaŭ: pieravyšeńnia chutkaści, adsutnaści techahladu, niepryšpilenaha ramnia biaśpieki i vykarystańnia telefona za rulom. Abiacajuć sačeńnie i za žartaŭlivyja nalepki na aŭto.
Źviestki pra parušalnika vyvodziacca na ahulny ahlad na śpiecyjalnaje tabło.
U DAI zajaŭlajuć, što mietad maje vychavaŭčuju metu, i ekśpierymient stanie pastajannaj praktykaj.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca4
Kamientary
I tak, łukašenkaŭskija kasplejery hiestapa nie źjaŭlajucca sapraŭdnymi hiestapaŭcami. Sapraŭdnyja hiestapaŭcy nikoli by nie pacisnuli ruku Azaronku ;)