«Biełaruś-3» nie pakaža vystupu kandydata, jaki ahitavaŭ za lehalizacyju marychuany
Telekanał «Biełaruś-3» nie budzie pakazvać pieradvybarny vystup kandydata ŭ deputaty ad Abjadnanaj hramadzianskaj partyi Paŭła Stefanoviča, paviedamiła staršynia Centrvybarkama Lidzija Jarmošyna 16 žniŭnia na pres-kanfierencyi ŭ Minsku.
Pavodle jaje słoŭ, u Centralnuju kamisiju vystup Stefanoviča pryvieźli na ekśpiertyzu. «Na žal, vy nie zmožacie jaho ŭbačyć, tamu što jaho nielha puścić u efir. Parušaje jon nie vybarčaje zakanadaŭstva, a zakon, jaki supraćdziejničaje handlu narkotykami, bo ŭvieś vystup kandydat zaklikaje da lehalizacyi marychuany», — skazała Jarmošyna.
«Vidavočna, u AHP niama inšych prablem. U samym kancy vystupu kandydat dastaje prahramu partyi «Miljon novych pracoŭnych miescaŭ», i adrazu ž stanovicca zrazumiełym, dzie partyja budzie znachodzić pracoŭnyja miescy. Heta zabaŭny vypadak», — ličyć jana.
Kamientary