Ułady Turcyi chočuć pryhavaryć Fietchułacha Hiulena da dvuch pažyćciovych źniavoleńniaŭ i 1900 hadoŭ turmy. Ciapier prapaviednik, jakoha nazyvajuć natchnialnikam sproby pieravarotu, znachodzicca ŭ ZŠA, Ankara patrabuje jaho ekstradycyi.
Tureckija prakurory prosiać dla relihijnaha dziejača Fietchułacha Hiulena, jaki abvinavačvajecca ŭ arhanizacyi sproby vajennaha pieravarotu ŭ Turcyi, dva pažyćciovych i 1900 hadoŭ turmy, paviedamlaje Anadolu.
Jak adznačaje ahienctva, abjom abvinavaŭčaha zaklučeńnia skłaŭ 2,527 tysiač staronak. U im havorycca, što Hiulen «sprabavaŭ z dapamohaj hvałtu parušyć ustalavany kanstytucyjaj Turcyi paradak», «stvaryć uzbrojenuju terarystyčnuju arhanizacyju, a taksama «likvidavać urad Tureckaj Respubliki».
Sproba vajennaha pieravarotu ŭ Turcyi adbyłasia ŭ noč na 16 lipienia. Padčas sutyknieńnia pamiž pučystami i prychilnikami dziejnaj ułady zahinuli bolš za 240 čałaviek. Paśla padaŭleńnia buntu ŭ dziaržorhanach pačalisia maštabnyja čystki, u Turcyi byli zvolnienyja ci adchilenyja ad pracy bolš za 81 tysiača čałaviek, zatrymanyja — amal 26 tysiač čałaviek.
Na dumku tureckich uładaŭ, ideołaham buntu ŭ Ankary byŭ Hiulen, jaki ŭžo na praciahu mnohich hadoŭ pražyvaje ŭ ZŠA. Sam relihijny dziejač admaŭlaje svaju datyčnaść da putču. Jon zaklikaŭ ZŠA adchilić prośbu tureckich uładaŭ ab jaho vydačy.
Ułady ličać, što dokazy jaho dačynieńnia da arhanizacyi putču nieabvieržnyja. Napiaredadni, 15 žniŭnia, Erdahan zajaviŭ, što ZŠA pryjdziecca vybirać pamiž Ankaraj i Hiulenom, i niežadańnie vydać prapaviednika moža kaštavać im siabroŭstva z Ankaraj.
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary