Na pačatku žniŭnia siłaviki zatrymali chirurha Filipa Ivanova, jakoha abvinavačvajuć va ŭdziele ŭ bojcy 29 červienia 2014 hoda na prypynku «Univiersam» na vulicy Nieścierava. Tady nieviadomyja raźbili škło ŭ tralejbusie. U vyniku była zaviedzienaja kryminalnaja sprava pa artykule «Chulihanstva».
Na niejki čas kryminalnaja sprava była prypynienaja, ale sioleta jaje vyrašyli adnavić.
U sakaviku adbyłosia bolš za 20 vobšukaŭ u kvaterach minskich «antyfa». Tady zatrymali Illu Vałavika i Źmitra Ciechanoviča, paźniej Vadzima Bojku.
12 žniŭnia Ciechanoviča paśla čatyroch miesiacaŭ źniavoleńnia vyzvalili ź SIZA pad padpisku ab niavyjeździe. Za kratami zastajucca Illa Vałavik, Vadzim Bojka i Filip Ivanoŭ.
Jak paviedamlaje levaja supołka «Naša sprava» Ukantakcie, umovy ŭtrymańnia zatrymanych chłopcaŭ apošnim časam zrabili bolš žorstkimi. Źniavolenyja atrymali adzin za adnym papiaredžańni. Ciapier u vypadku čarhovaha papiaredžańnia kožny z pakinutych pad aryštam adpravicca ŭ štrafny izalatar (ŠIZA).
Svajaki źniavolenych paviedamlajuć, što bolšaść karespandencyi nie dachodzić. Šmat listoŭ nie prapuskaje cenzura, i jany viartajucca nazad da adpraŭnika.
Pravaabaroncy nie razhladajuć Vałavika, Bojku i Ivanova jak palitviaźniaŭ. Adnak da spravy prykavanaja ŭvaha hramadskaści, bo adbyvajecca vialiki cisk śpiecsłužb na lavacki ruch. Niešta padobnaje rabiłasia pierad čempijanatam śvietu pa chakiei, kali mnohija pradstaŭniki antyfašystaŭ akazalisia na sutkach.
Kamientary