La ŭvachoda ŭ Muziej historyi HUŁAHa ŭ Maskvie ŭdzielniki Revalucyjnaha kamunistyčnaha sajuza moładzi paviesili pudziła z partretam Alaksandra Sałžanicyna. Pra heta paviedamlaje telekanał «Doždž» sa spasyłkaj na pres-sakratara muzieja Hannu Rapiejka.
Incydent adbyŭsia ŭ subotu ŭviečary, 8 kastryčnika. Pa słovach Rapiejka, dvoje maładych ludziej padbiehli da terytoryi muzieja i paviesili na aharodžy pudziła, paśla čaho schavalisia. Achoŭniki muzieja źniali pudziła praź niekalki chvilin.
Dyrektar muzieja Raman Ramanaŭ zajaviŭ radyjostancyi «Echo Moskvy», što ličyć hetuju akcyju «dziciačaj, zbolšaha chulihanskaj vychadkaj». Ramanaŭ u toj ža čas adznačyŭ, što administracyja muzieja vyrašyła nie źviartacca ŭ palicyju, bo nie bačyć pahrozy dla raboty muzieja ŭ suviazi z tym, što adbyłosia.
Na tabličcy, prymacavanaj da pudziła, Sałžanicyn nazvany «najpieršym voraham», «jaki iłhaŭ nam pra HUŁAH», a taksama havorycca, što piśmieńnik «hłumiŭsia z praŭdy». Sam muziej aktyvisty nazyvajuć «zdradlivym».
Telekanał «Doždž» spasyłajecca na karystalnika NataYaraya, jaki apublikavaŭ u Twitter fatahrafiju pudziła.
«La Maskoŭskaha muzieja HUŁAHa chłopcy paviesili na stylizavanaj pad łahiernuju bramie pudziła Sałžanicyna — złosnaha antysavietčyka i chłusa».
U Moskovskoho muzieja Hułah riebiata vzdiornuli na stilizovannych pod łahiernyje vorotach čučieło Sołžienicina — złobstvujuŝieho antisovietčika i łhuna. pic.twitter.com/3v8DrXic8o
Na sajcie RKSM apublikavana zajava ab «akcyi la maskoŭskaha muzieja HUŁAHa». U zajavie havorycca, što muziej HUŁAHa, pomniki Sałžanicynu, miemaryjały achviaram stalinizmu, a taksama «inicyjatyva buržuaznych rasijskich uładaŭ» nazvać 2018 hod «hodam tvorčaści dadzienaha piśmieńnika» — heta «sproba prykryć ułasnuju palityčnuju niežyćciazdolnaść, zakručvańnie hajek i razdraj u dziaržavie».
Kamientary