Pres-kłub (vuł.Charužaj, 3-601,, st.mietro Pł.Jakuba Kołasa). 19:00. Uvachod volny.
Cyrymonija ŭznaharodžańnia pieramožcy adbudziecca ŭ dzień naradžeńnia Karłasa Šermana — 25 kastryčnika.
Pieramožca atrymaje ček ad Fondu «Viartańnie» na sumu, ekvivalentnuju 2000 u.a.
U karotkim śpisie premii nastupnyja pierakładčyki:
Pavieł Kaściukievič ź pierakładam z anhlijskaj movy knihi Duhłasa Adamsa «Aŭtaspynam pa hałaktycy» (Łohvinaŭ).
Francišak Korzun ź pierakładam z anhlijskaj movy knihi Kłajva Stejpłza Ljuisa «Listy Kruciala» (Halijafy).
Jakub Łapatka ź pierakładam ź finskaj movy knihi «Kalevała» (Źmicier Kołas).
Aleś Piatkievič ź pierakładam z polskaj movy knihi Siarhieja Piasieckaha «Baham nočy roŭnyja» (TAA «Hajsak»).
Siarhiej Smatryčenka ź pierakładam z češskaj movy knihi Iržy Kratachviła «Lažać, šelma!» (Łohvinaŭ).
Julija Smatryčenka ź pierakładam z češskaj movy knihi Patryka Oŭržednika «Jeŭrapieana. Karotkaja historyja dvaccataha stahodździa» (Łohvinaŭ).
Premija imia Karłasa Šermana za najlepšuju biełaruskuju pierakładnuju knihu, vydadzienuju ŭ 2015 h., zasnavanaja ŭ honar vydatnaha biełaruskaha litaraturnaha pierakładčyka Karłasa Šermana (1934 — 2005). Sioleta premija budzie ŭručacca ŭpieršyniu.
Usiaho na konkurs była dasłanaja 21 kniha. Ich pierakłali z 8 movaŭ 34 pierakładčyki i vydali 7 vydaviectvaŭ.
U žury ŭvajšli: Lavon Barščeŭski, Źmicier Kołas, Uładzimir Papkovič, Andrej Chadanovič, Julija Cimafiejeva.
Suzasnavalnikami premii źjaŭlajucca Sajuz biełaruskich piśmieńnikaŭ, Biełaruski PEN-centr i Dabračynny fond «Viartańnie».
Ciapier čytajuć
Łukašenka zajaviŭ pra hatoŭnaść pryjechać u Kijeŭ71
Kamientary