prapanuje pasažyram biznes-klasy avijakampanija «Rajanejr».
prapanuje pasažyram biznes-klasy avijakampanija «Rajanejr».
«Ryanair» – adna ź pieršych tak zvanych tannych avijalinij. Heta takija pieravozčyki, jakija pajšli pa šlachu maksymalnaha abmiežavańnia vydatkaŭ. Na borcie ich samalotaŭ nie vydajuć hazetaŭ, nia kormiać, i ŭsio takoje. Zatoje bilety na takuju liniju kaštujuć bolš čym dastupna. Skažam, z Varšavy možna dalacieć da Brytanii i viarnucca za 40 dalaraŭ.
«Rajanejr» staŭ vialikim pośpiecham na rynku, zrabiŭ sapraŭdnuju revalucyju. Ciapier kampanija choča zavajavać transatlantyčnyja maršruty. Ale ŭ hetym vypadku jana choča pazmahacca nia tolki za aščadnych padarožnikaŭ, ale i za bahatyroŭ. Jak? Zasnavalnik i kiraŭnik kancernu Majkł O'Liry publična prapanavaŭ: «Ekanom-klasa budzie vielmi tannaja – 10 eŭra za bilet – zatoje biznes-klasa budzie vielmi darahaja. Dla samych-samych klijentaŭ. Usio zabiaśpiečym. I łožki, i aralny seks. Usio zadarma. Płaciš za bilet 5 tys. eŭra, i ŭsio maješ za tak».
Viadoma, O'Liry daŭ dymu. Ale videazapis hetaha jahonaha vybryku za piać dzion prahledzieła 120 tys. internaŭtaŭ. Pra jaho napisali pavažnyja ŚMI.
Što vy dumajecie? Pabačyŭšy vyhadu, markietolahi «Rajanejru» ŭčapilisia za pluchu svajho šefa. Pres-sakratar kampaniju zajaviŭ: «Beds and Blowjobs» budzie pracoŭnaj nazvaj našaj pasłuhi ŭ klasie biznes. My hanarymsia tym, što zapis našaj pres-kanferencyi staŭ samym papularnym klipam u sekcyi «Padarožžy» na YouTube. … «Ryanair» paćviardžaje, što na pres-kanferencyi 17 červienia prahučała prapanava, kab bilety ŭ ekanom-klasu na transatlantyčnyja rejsy kaštavali vielmi mała, ad 10 eŭra ŭ adzin bok, pry hetym kampanija choča zabiaśpiečyć najvyšejšyja standarty ŭ biznes-klasie … i što pracoŭnaja nazva pasłuhi pieravozki biznes-klasam hučyć jak Beds and Blowjobs. … My ŭražanyja, što pierakładčyk nie znajšoŭ niamieckaha adpaviednika słovu Blowjobs. Moŭny adździeł «Ryanair» biaspłatna dastavić u luboje miesca ... pieršaha pasažyra, jaki pierakładzie słova Blowjobs na niamieckuju movu», – hetaja zajava vyviešanaja na sajcie kampanii.
Pierakłali b my im pa-biełarusku…
Usio heta nazyvajecca ciapier «virusnaja reklama» – takija markietynhavyja kroki, kali reklamnyja ci kvazireklamnyja roliki padchoplivajucca i raspaŭsiudžvajucca samimi spažyŭcami. Toje samaje praktykujuć niekatoryja viadomyja palityki, za słovam u kišeniu nia lezuć.
O'Liry majstar markietynhu.
Kali paru hadoŭ tamu «Ryanair» adkryŭ paloty z Dublina da Rymu, O'Liry asabista pieraapranuŭsia ŭ kardynała i abiacaŭ u reklamie: «Habemus samyja nižnija ceny». Za hety vybryk jaho praklała jahonaja ŭłasnaja maci, harlivaja katalička. Što ž, jon i hetuju navinu paśpiašaŭsia raspaŭsiudzić.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach17
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia66
Kamientary