Dźviery Biełarusi zaŭsiody adkryty dla Abjadnanych Arabskich Emirataŭ i emirata Dubaj. Ab hetym zajaviŭ Alaksandr Łukašenka siońnia na sustrečy ź vice-prezidentam, premjer-ministram i ministram abarony AAE, pravicielem emirata Dubaj šejcham Muchamiedam bien Rašydam al-Maktumam, paviedamlaje BiełTA.
«Dziakuj vam za dobryja słovy, jakija vy adrasavali mnie i majmu narodu. U svaju čarhu chaču skazać, što dźviery Biełarusi dla AAE i emirata Dubaj zaŭsiody adčynienyja. I ja chacieŭ by vykłaści hałoŭnuju svaju pazicyju na našaj sustrečy, kab vy čaściej byvali ŭ Biełarusi. U hetym naša vialikaja cikavaść. Nam treba vyvodzić našy ekanamičnyja adnosiny na ŭzrovień asabistych i palityčnych», — skazaŭ kiraŭnik biełaruskaj dziaržavy.
U svaju čarhu šejch Muchamied bien Rašyd al-Maktum adznačyŭ, što vielmi rady vizitu Alaksandra Łukašenki. Jon taksama zajaviŭ pra hatoŭnaść AAE ŭ cełym i emirata Dubaj u pryvatnaści da dalejšaha raźvićcia adnosinaŭ ź Biełaruśsiu. «My chočam raźvivać hetyja adnosiny da lepšaha», - skazaŭ jon.
Kamientary