Klecki rajon vystaŭlaje na tarhi bujnyja palaŭničyja ŭhodździ. Ich pieramožca ŭvojdzie ŭ lik vaśmi najbujniejšych karystalnikaŭ palaŭničych uhodździaŭ u krainie.
Tarhi za prava arandavać na 10 hadoŭ palaŭničyja ŭhodździ z fondu zapasu Kleckaha rajona projduć 19 śniežnia hetaha hoda. Jak havorycca ŭ zaprašeńni, ahulnaja płošča prapanavanych uhodździaŭ składaje 60680 hiektaraŭ: lasnyja — 24700 ha, palavyja — 33900 ha, vodna-bałotnyja — 2080 ha.
Pačatkovy košt abjekta aŭkcyjonu składaje 21,228 tys. rubloŭ, udzielniki tarhoŭ pavinny pieravieści zadatak, 20% ad sumy, na rachunak Hałoŭnaha ŭpraŭleńnia Minfina Biełarusi pa Minskaj vobłaści.
U aŭkcyjonie mohuć udzielničać jurydyčnyja asoby, ad ich u pakiecie dakumientaŭ patrabujecca, u tym liku, bijołaha-ekanamičnaje abhruntavańnie na karystańnie palaŭničymi ŭhodździami.
Kamientary