Navahodnija jołki Minska zaźziajuć śviatočnymi ahniami 15 śniežnia, paviedamiŭ načalnik vytvorčaha adździeła UP «Minharśviatło» Uładlen Čuchin.
Z 15 śniežnia pa 13 studzienia (za vyklučeńniem pieradśviatočnych i śviatočnych dzion) zialonyja pryhažuni buduć zichacieć z momantu ŭklučeńnia vuličnaha aśviatleńnia da 23.00 i z 6.00 da taho času, pakul nie vyklučać lichtary. A nočču z 24 na 25 śniežnia, z 31 śniežnia na 1 studzienia, z 6 na 7 studzienia i z 13 na 14 studzienia navahodnija ahni i zusim nie patuchnuć, da ich dabavicca śviatočnaja iluminacyja.
Radasny nastroj u stalicy stvorać jak śvietłavyja matyvy, jakija ŭžo daŭno vykarystoŭvajucca na vulicach, tak i novyja elemienty. Čakajecca, što 3D-miač, jaki śviecicca, źjavicca kala minskaha Doma futboła. Da hetaha adnu z hałoŭnych transpartnych arteryj stalicy ŭpryhožyła kampazicyja na chakiejnuju tematyku ŭ vyhladzie šajby i pierakryžavanych klušak kala «Minsk-Areny». Kanstrukcyja «Padarunak» ustanoŭlenaja ŭ rajonie HUMa.
Jak i letaś, na Kastryčnickaj płoščy možna ŭbačyć dva vaśmimietrovyja śvietłavyja šary. Na afarmleńnie hihanckich fihur pajšło nie mienš jak 350 m śviatłodyjodnaha dziurałajtu i amal 150 m hirlandaŭ z bolš jak 11 tys. lampačak. Taksama krychu mienšymi 3D-šarami ŭpryhožyli apory na Kastryčnickaj płoščy i płoščy Niezaležnaści, kolkaść u paraŭnańni ź minułym hodam uzrasła.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary