Kamentuje Aleh Ihnacienka, jaki pracavaŭ načalnikam ŭpraŭleńnia słužby kantrolu Alaksandra Łukašenki.
Aleh Ihnacienka, jaki pracavaŭ načalnikam ŭpraŭleńnia słužby kantrolu Alaksandra Łukašenki, kamentujučy zvalnieńnie Šejmana i Niavyhłasa, ličyć, što načny vybuch u Miensku – tolki padstava dla zvalnieńnia, sapraŭdnaja pryčyna palahaje ŭ inšym.
Zajmajučy hetuju pasadu, Aleh Ihnacienka nia raz sustrakaŭsia i ź Viktaram Šejmanam, i z Hienadziem Niavyhłasam.
“Toj fakt, što Viktar Šejman 14 hadoŭ znachodziŭsia na samych klučavych pasadach u dziaržavie, śviedčyć, što ŭ svoj čas jon abraŭ pravilny šlach upłyvu na Łukašenku. A toj całkam Šejmanu daviaraŭ. Heta asabliva vyjaviłasia, kali Šejmana nakiravali Hieneralnym prakuroram. Treba było pahasić skandał vakoł spravy Paŭličenki, i Šejmana — faktyčna nie jurysta — robiać Hieneralnym prakuroram. A potym, kali žarści acichli, jaho znoŭ viarnuli ŭ Radu biaśpieki”, - raspavioŭ Aleh Ihnacienka.
Pa jaho słovach, Šejman vielmi daskanała pastaŭlaŭ Łukašenku infarmacyju.
“Ja b chutčej skazaŭ, tyja “strašyłki”, jakija jon ličyŭ nieabchodnym davieści da Łukašenki. Łukašenka atrymlivaŭ dazavanuju infarmacyju, mienavita tuju, kab Šejman vyhladaŭ u lepšym śviatle i kab jon moh mocna ŭpłyvać na kiraŭnika dziaržavy. A ciapier, jak ja razumieju, Łukašenka atrymlivaje bolš šyrokuju infarmacyju ad svajho starejšaha syna. Jana značna bahaciejšaja. I jašče, ja dumaju, Łukašenku asabliva aburyła, što Šejman nie prysutničaŭ padčas vybuchu la steły. I možna mierkavać, što heta stała apošniaj kropkaj u ichnym siabroŭstvie”, - upeŭnieny były padnačaleny Łukašenki.
Toje, što razam z Šejmanam byŭ zvolnieny i kiraŭnik Administracyi Hienadź Niavyhłas, Ihnacienka tłumačyć u pieršuju čarhu tym, što Niavyhłas źjaŭlajecca čałaviekam Šejmana.
“Asnoŭnaja pryčyna ŭ tym, što Niavyhłas patrapiŭ na pasadu kiraŭnika Administracyi z pratekcyi Šejmana. Niavyhłas u svoj čas słužyŭ u pamiežnych vojskach, dzie kiravaŭ atradam specyjalnaha pryznačeńnia. I jon vykonvaŭ davoli dalikatnyja daručeńni Šejmana. Ahułam Niavyhłas pa svajoj sutnaści dekaratyŭnaja fihura, jon nikoli nia byŭ palityčnym ciažkavahavikom. Dyj adkaznaści nijakaj u Łukašenki pierad Niavyhłasam niama. Pryvioŭ jaho siudy Šejman. I tamu možna mierkavać, što Łukašenka vyrašyŭ adrazu źmianić farmalna tandem, a pa sutnaści — adnu i tuju ž asobu. Łukašenka miarkuje, što Niavyhłas biezumoŭna vykonvaje ŭsie daručeńni Šejmana i padparadkoŭvajecca jamu”, - tłumačyć adstaŭku Niavyhłasa Aleh Ihnacienka.
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Kamientary