Zvarot jepiskapa Chryścijan viery jevanhielskaj: Chaj Biblija, jakuju Skaryna prahnuŭ dać svajmu narodu…
Darahija braty i siostry!
Šanoŭnyja suajčyńniki!
Vinšujem Vas z cudoŭnym śviatam Naradžeńnia Hospada našaha Isusa Chrysta i nadychodziačym Novym 2017 hodam!
Bolš jak dźvie tysiačy hod tamu ŭ maleńkim miastečku Betlejem naradziłasia Dziciatka. Pra hetaje naradžeńnie abviaścili anioły, pryjšli mudracy z dalokaj krainy i prynieśli svaje dary.
Adbyłasia najvialikšaja padzieja — Syn Božy staŭ čałaviekam, kab prynieści zbaŭleńnie hetamu śvietu, źniaviečanamu hrachom.
Naradžeńnie Isusa Chrysta pačało novuju eru ŭ historyi čałaviectva.
Usio, što było da Jaho, nazyvajecca «da Naradžeńnia Chrysta», a ŭsio, što adbyvałasia paśla — «paśla Naradžeńnia Chrysta».
Hetaksama siońnia śviata Rastva Chrystovaha źjaŭlajecca znakam zakančeńnia staroha hoda i pačatkam novaha, bo Boh u Isusie Chryście pryjšoŭ da nas, kab być z nami, kab dać nam śviatło i nadzieju, kab adnavić našyja siły i prynieści paciašeńnie.
Žadajem Vam u hetyja śviatočnyja dni pieražyć toje, što Boh jość z nami, što Słova stałasia Ciełam, i pasialiłasia miž nas, i my možam bačyć słavu Jaho, i možam praź vieru ŭ Isusa Chrysta nazyvacca i być dziećmi Božymi.
U 2017 h. spaŭniajecca 500 hadoŭ z času vychadu pieršaj drukavanaj biełaruskaj knihi — Biblii, nadrukavanaj Francyskam Skarynam. Słova Božaje zmahło pryjści da kožnaha čałavieka, jaki prahnuŭ čytać jaho, i heta pryniesła dabrasłavieńnie ŭ žyćci našaha narodu.
Taksama siońnia my majem mahčymaść źviarnucca da Knihi, jakaja stała pačatkam usich biełaruskich knihaŭ, kab Biblija, jakuju Francysk Skaryna prahnuŭ dać svajmu narodu, stała asnovaj žyćcia kožnaha biełarusa.
Niachaj dabrasłavieńnie Božaje budzie z usimi Vami!
Niachaj Hospad napoŭnić Vašyja sercy radaściu i daść Vam mir!
Jepiskap Abjadnanaj carkvy chryścijan viery jevanhielskaj u Respublicy Biełaruś S.P. Cvor.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary