Deputat Viarchoŭnaj rady Nadzieja Saŭčanka zajaviła, što viartańnie Danbasa mirnym šlacham mahčymy tolki, kali «zdać» Krym Rasii. Takuju zajavu jana zrabiła ŭ efiry telekanała «112 Ukraina», piša rbc.ru.
«Jak by ni kryčali i ni rvali na sabie vyšyvanki niekatoryja narodnyja deputaty, kolki b jany ni kryčali, što my nie zdadzim… Jany pavinny admovicca ad Kryma», — zajaviła Saŭčanka.
«Jon [Krym] ciapier zastajecca niepryznanaj akupavanaj terytoryjaj. Krym — heta čarhovaje Prydniastroŭje», — skazała jana. Admovicca ad Kryma dziela Danbasa, pa jaje słovach, treba, kab «nie zrabić Prydniastroŭjem jašče i Danbas».
«Inšaha mirnaha šlachu ja pakul nie baču», — dadała deputat, adznačyŭšy, što vyzvalić Danbas nievajennym šlacham možna za stałom pieramovaŭ.
U listapadzie namieśnik ukrainskaha ministra pa spravach akupavanych terytoryj Hieorhij Tuka zajaŭlaŭ, što viartańnie Kryma ŭ skład Ukrainy ŭ najbližejšyja try-piać hadoŭ niemahčyma. «Jak by baluča ni było, ale ja zaŭsiody byŭ prychilnikam taho, kab kazać ludziam praŭdu. Ja liču niemahčymym viartańnie Kryma ŭ najbližejšyja try-piać hadoŭ», — skazaŭ tady jon.
Ciapier čytajuć
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary