Дэпутат Вярхоўнай рады Надзея Саўчанка заявіла, што вяртанне Данбаса мірным шляхам магчымы толькі, калі «здаць» Крым Расіі. Такую заяву яна зрабіла ў эфіры тэлеканала «112 Украіна», піша rbc.ru.
«Як бы ні крычалі і ні рвалі на сабе вышыванкі некаторыя народныя дэпутаты, колькі б яны ні крычалі, што мы не здадзім… Яны павінны адмовіцца ад Крыма», — заявіла Саўчанка.
«Ён [Крым] цяпер застаецца непрызнанай акупаванай тэрыторыяй. Крым — гэта чарговае Прыднястроўе», — сказала яна. Адмовіцца ад Крыма дзеля Данбаса, па яе словах, трэба, каб «не зрабіць Прыднястроўем яшчэ і Данбас».
«Іншага мірнага шляху я пакуль не бачу», — дадала дэпутат, адзначыўшы, што вызваліць Данбас неваенным шляхам можна за сталом перамоваў.
У лістападзе намеснік украінскага міністра па справах акупаваных тэрыторый Георгій Тука заяўляў, што вяртанне Крыма ў склад Украіны ў найбліжэйшыя тры-пяць гадоў немагчыма. «Як бы балюча ні было, але я заўсёды быў прыхільнікам таго, каб казаць людзям праўду. Я лічу немагчымым вяртанне Крыма ў найбліжэйшыя тры-пяць гадоў», — сказаў тады ён.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч31
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было
Каментары