Kabiniet ministraŭ Izraila ŭchvaliŭ dekryminalizacyju vykarystańnia marychuany.
Zhodna z prapanovaj Ministerstvaŭ hramadskaj biaśpieki i justycyi, čałaviek, złoŭleny na ŭžyvańni marychuany ŭ hramadskim miescy, pavinien padviarhacca štrafu, a nie kryminalnamu pieraśledu.
Štraf budzie składać kala 270 dalaraŭ. Pry paŭtornym zatrymańni jon budzie padvojeny.
Treci raz parušalnik apyniecca pad nahladam uładaŭ, ale paśla adnosna karotkaha terminu budzie całkam svabodny.
Tolki ŭ vypadku čaćviortaha vypadku budzie raspačata kryminalnaja sprava. Srodki, atrymanyja ad štrafaŭ, buduć nakiravany na prahramy adukacyi pa pytańniach narkamanii.
Izrail staŭ pieršaj dziaržavaj na Blizkim Uschodzie, dzie dekryminalizavana ŭžyvańnie marychuany. Hetaja kraina źjaŭlajecca suśvietnym lidaram u halinie vyvučeńnia prymianieńnia marychuany ŭ miedycynskich metach.
Pa słovach prafiesara Rafaela Mešułama ź Jaŭrejskaha ŭniviersiteta ŭ Ijerusalimie, pieravahi kanabisu vyvučajuć «jak z chimičnaha, tak i z farmakałahičnaha punktu hledžańnia».
Pavodle aficyjnych dadzienych izrailskaha Ministerstva achovy zdaroŭja, kala 25 tysiač čałaviek u krainie majuć prava na atrymańnie miedycynskaj marychuany. Mnohija ź ich pakutujuć ad ankałahičnych zachvorvańniaŭ, a kanabis — adzin ź niešmatlikich srodkaŭ, jaki, na dumku lekaraŭ, zdolny časova źniać bol i niervovaje napružańnie.
Jość i takija, chto kuryć marychuanu pa rekamiendacyi daktaroŭ-psichijatraŭ. U krainie, dzie stresavyja situacyi zusim nie redkaść, ludzi niaredka źviartajucca pa psichałahičnuju dapamohu.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary