Biełaruska-ŭkrainski supraćtankavy kompleks traplaje ŭ cel pa-snajpiersku VIDEA
10 sakavika kijeŭskaje kanstruktarskaje biuro «Łuč» pakazała videa vyprabavańniaŭ rakiet, jakija paśpiachova patrapili ŭ cel na adlehłaści piać kiłamietraŭ.
U kamientary da videa śćviardžajecca, što «KB «Łuč» paćvierdziła zajaŭlenyja charaktarystyki čarhovaj partyi supraćtankavych rakiet u intaresach zamoŭcy. Adlehłaść da celi — 5000 m».
Ukrainskaje kanstruktarskaje biuro nie piša, pra jaki supraćtankavy kompleks idzie havorka, adnak, kali ŭličvać, što jano vyrablaje tolki dva typy STRK — «Karsar» i «Skif»/»Stuhna», i mienavita dla «Skifa» adlehłaść da celi — 5000 m, to zrazumieła, vyprabavańni jakoha pieranasnoha supraćtankavaha kompleksu my bačym na videa. Čatyry rakiety adna za adnoj traplajuć u cel.
Rakiety dla «Skifa» vyrablaje «Łuč», a modul naviadzieńnia, jaki zabiaśpiečvaje snajpierskuju stralbu, — biełaruskaja kampanija «Pielenh».
«Skif» maje naviadzieńnie pa łaziery, a taksama pa aptyčnym i infračyrvonym prycele, to bok moža dziejničać i nočču, i ŭ ciažkich umovach nadvorja. Rakietny kompleks moža navodzicca navat biez taho, kab bačyć praciŭnika — z tak zvanaj zakrytaj pazicyi. U takim vypadku karekciroŭščyk pavinien bačyć cel, a sam momant strełu zastajecca niabačnym dla voraha.
Biełaruskaja armija maje na ŭzbrajeńni STRK «Šeršań» — łahičnaje raźvićcio kompleksa «Skif». Rakiety dla «Šeršnia» taksama vyrablaje ukrainski «Łuč», a dalnaść dziejańnia kompleksa — ad 5000 da 7500 m.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»52
Kamientary