17—19 sakavika ŭ kinateatry «Maskva» projduć pakazy animacyjnaha filma «Tajamnica Kiełza», ahučanaha na biełaruskuju movu. Heta cudoŭny sposab adśviatkavać dzień śviatoha Patryka i adčuć sapraŭdny duch Irłandyi ŭ Minsku.
Multfilm raspaviadaje kazačnuju historyju, zasnavanuju na padziejach ICH stahodździa ŭ Irłandyi. Hałoŭny hieroj, chłopčyk Brendan, žyvie ŭ abactvie Kiełz. Nieŭzabavie ŭ abactva prybyvaje słavuty aśvietnik Ejdan z tajamničaj knihaj… U dalejšych pryhodach buduć udzielničać nie tolki jany, ale i čaroŭnaja dziaŭčynka Ašlinh ź lesu, i kot Panhurban.
Krytyki pa ŭsim śviecie z zachapleńniem sustreli «Tajamnicu Kiełza». Stužka adznačana šeraham uznaharod i naminavanaja na «samy lepšy animacyjny film» premii Oskar.
Dziakujučy najpryhažejšaj hraficy, jakuju ahladalnik afisha.ru nazvaŭ «šedeŭram dekaratyŭnaj animacyi», a taksama cikavamu i hłybokamu siužetu, film spadabajecca jak dzieciam, tak i darosłym.
Film ahučany na biełaruskuju movu ŭ miežach prajekta «Biełaruskija ŭikendy»
pry padtrymcy «Atłant Telekam» i velcom. Častka ahučanych u miežach prajekta filmaŭ budzie dastupnaja na siervisie interaktyŭnaha ličbavaha telebačańnia «Atłant Telekam».
U ahučcy ŭdzielničali viadomyja akciory: Pavieł Charłančuk, Hanna Chitryk, Aleś Małčanaŭ, Śviatłana Cimochina, Uładzimier Hłotaŭ, Źmicier Saładucha.
Premjera multfilma adbudziecca 17 sakavika a 19:00 u kinateatry «Maskva» (praśpiekt Pieramožcaŭ, 13).
Nastupnyja pakazy adbuducca 18 i 19 sakavika a 17:00 taksama ŭ kinateatry «Maskva».
Kamientary