Navukoŭcy pradkazvajuć masavy pierachod ad asabistych aŭtamabilaŭ da latalnych aparataŭ pad 2030 hod.
Ekspertny prajekt TechCast apublikavaŭ nabor najbolš vierahodnych scenaroŭ raźvićcia čałaviectva na najbližejšyja dziesiacihodździ.
Prykładna 2010 hod
Praciah pracesaŭ raźvićcia infarmacyjnych system i elektronnaj kamercyi. U pryvatnaści, čakajecca burlivaje pavieličeńnie abjomaŭ infarmacyjnaha trafiku, chutkaje evalucyianavańnie najaŭnych i źjaŭleńnie pryncypova novych vidaŭ elektronnych prystasavańniaŭ (naprykład, systema raspaznavańnia hołasu zrobić mahčymym kiravańnie mašynami z dapamohaj hukavych kamand). Heta pryviadzie da kardynalnych pieramienaŭ u sfery dziaržaŭnaha j karparatyŭnaha kiravańnia. Vierahodny pierachod relihij na «elektronnyja» rejki — da prykładu, słužby mohuć pravodzicca anłajn.
Mahčymaje źjaŭleńnie asabistych «elektronnych pamočnikaŭ» čałavieka. Novyja tavary j pasłuhi buduć vyvodzicca na rynak chutčej, čym kali‑kolviek raniej. Košt infarmacyjnych technalohij dy abstalavańnia budzie źnižacca. Krach pahražaje mnohim siońniašnim hihantam — naprykład, karparacyi Mikrasoft, jakaja nia vytrymaje baraćby ź dziasiatkam novych kankurentaŭ. Čakajecca bum na rynkach kino, muzyki j TV.
Prykładna 2020 hod
Pačatak novaj vysokatechnalahičnaj revalucyi. Jejnymi ruchovymi siłami stanuć «zialony» biznes, alternatyŭnaja enerhietyka j inšyja praktyki, nakiravanyja na palapšeńnie jakaści žyćcia čałavieka, dy biaśpiečnyja dla vakolnaha asiarodździa. Vialiki biznes u masie svajoj piarojdzie na ekalahičnyja rejki.
Značnuju častku suśvietnaha aŭtaparku buduć składać hibrydnyja aŭtamabili, jakija vykarystoŭvajuć u jakaści paliva vadarod, bijapaliva (śpirt, raślinny alej i inš.) albo elektraenerhiju. Da 2030 hodu prykładna tracina enerhii budzie zdabyvacca z uznaŭlalnych krynic. Burlivaje raźvićcio čakaje sielskuju haspadarku (utym liku, zasnavanuju na vykarystańni hienetyčna madyfikavanych raślinaŭ i žyviołaŭ).
Čakajecca roskvit kamputarnych i bijatechnalohij, vynikam čaho stanie źjaŭleńnie novych pakaleńniaŭ medykamentaŭ. U pryvatnaści, praryvy ŭ vyvučeńni DNK čałavieka zrobiać mahčymym klanavańnie jaho ŭnutranych orhanaŭ (serca, piečani, nyrak i inš.) dy paśpiachovyja aperacyi pa ichnaj pierasadcy. Taksama stanuć šyroka dastupnymi ich štučnyja zamianialniki. Mnonija surjoznyja chvaroby ŭdasca całkam pieramahčy z dapamohaj hienetyčnaj terapii — «vypraŭleńnia» adpaviednych učastkaŭ DNK.
Surjoznyja źmieny adbuducca ŭ ładzie žyćcia pradstaŭnikoŭ šerahu prafesij — naprykład, nastaŭnikaŭ i jurystaŭ. Jany akažucca zdolnymi pieradavieryć šerah svaich rucinnych abaviazkaŭ «elektronnym pamočnikam» i zmohuć zasiarodzicca na vyrašeńni stratehična važnych zadač. Virtualnaja realnaść stanie sapraŭdy realnaściu — jana budzie mała adroźnivacca ad realnaha žyćcia, što dazvolić kardynalna pamianiać pracesy navučańnia, navukovaha pošuku, atrymańnia infarmacyi j inš.
Budzie šyroka raspaŭsiudžany kaśmičny turyzm. Elektraenerhija pierastanie być deficytam, avaryi na linijach elektrapieradač i padstancyjach, jakija pakidajuć bieź śviatła sotni tysiač čałaviek, syduć u minułaje. Im na źmienu pryjduć analahičnyja avaryi ŭ infarmacyjnych sietkach.
Prykładna 2030 hod
U suviazi z raźvićciom infarmacyjnych technalohij aŭtadarožny ruch i avijapieravozki stanuć praktyčna poŭnaściu biaśpiečnymi. Čakajecca masavy pierachod ad asabistych aŭtamabilaŭ da asabistych latalnych aparataŭ. Avijalajnery j ciahniki buduć ruchacca ź niečuvanymi chutkaściami. Čakajecca jakasny praryŭ u sfery jadravaj enerhietyki.
Prykładna ŭ 2028 hodzie budzie stvoranaja pastajannaja kalonija na Miesiacy. Krychu paźniej čałaviectva vysadzicca na Marsie. Kosmas staniecca składovaj častkaj suśvietnaj ekanomiki.
U toj ža čas, adbudziecca kryza industryjalizacyi. Mnohija dziaržavy sutyknucca z prablemaj niemahčymaści dalejšaha raźvićcia pramysłovych vytvorčaściaŭ. Vierahodnyja ekalahičnyja kryzy, abvastreńnie mižetničnych i mižkanfesijnych kanfliktaŭ, abvastreńnie prablem, źviazanych z zbrojaj masavaha źničtažeńnia i inš. Vierahodnaje vykarystańnie jadravaj zbroi dzie‑niebudź na Blizkim Uschodzie, što, vierahodna, pryviadzie da źniščeńnia niekalkich bujnych haradoŭ.
Heta zmoža pryvieści da suśvietnaj kryzy, niabačanaj z časoŭ Druhoj suśvietnaj vajny. U hetaj abstanoŭcy na suśvietnaj arenie našmat bolšuju rolu pačnuć hrać relihijnyja lidery, karparacyi j hramadzkija arhanizacyi. Ich udzieł i zacikaŭlenaść bolšaści ŭradaŭ pryviadzie da kardynalnych reformaŭ u sfery mižnarodnych stasunkaŭ.
Prykładna 2040 — 2050‑ia hady
Śviet saljecca ŭ adno: jahonaja palityčnaja mapa j struktura buduć nahadvać Eŭrapiejski Źviaz ci Złučanyja Štaty Ameryki (jurydyčna ZŠA — federacyja štataŭ, jakija farmalna jość niezaležnymi dziaržavami, ale sastupili federalnaj uładzie šerah svaich paŭnamoctvaŭ — naprykład, praviadzieńnia źniešniaj palityki j čakanki manety). Dziakujučy hetamu, vastryniu kryzaŭ udasca surjozna źmienšyć.
Kolkaść nasielnictva budzie burliva raści. Śviet budzie kiravacca decentralizavana, što dazvolić, z adnaho boku, prymać maksymalna aperatyŭnyja dy ŭzvažanyja rašeńni, a ź inšaha — źnizić vastryniu mnohich kanfliktaŭ dy dać asobnym kulturam raźvivacca svabodna. Heta, u svaju čarhu, pryviadzie da asłableńnia mižnarodnaha teraryzmu, jaki ŭ 1990‑ia hady źjaviŭsia na chvali niezadavolenaści miž Zachadam i śvietam isłamu.
Čałaviectva skancentrujecca na raźvićci kaśmičnych prahram.
Ciapier čytajuć
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary